Matched Mismatch Not in MapM
315 words: 251 matched, 64 mismatch, 0 missing
1 וַיֹּ֤אמֶר יַהְוֶה אֵלַ֔י אִם יַעֲמֹ֨ד מֹשֶׁ֤ה וּשְׁמוּאֵל֙ לְפָנַ֔י אֵ֥ין נַפְשִׁ֖י אֶל הָעָ֣ם הַזֶּ֑ה שַׁלַּ֥ח מֵעַל פָּנַ֖י וְיֵצֵאוּ 2 וְהָיָ֛ה כִּי יֹאמְר֥וּ אֵלֶ֖יךָ אָ֣נָה נֵצֵ֑א וְאָמַרְתָּ֨ אֲלֵיהֶ֜ם כֹּה אָמַ֣ר יַהְוֶה אֲשֶׁ֨ר לַמָּ֤וֶת לַמָּ֙וֶת֙ וַאֲשֶׁ֤ר לַחֶ֙רֶב֙ לַחֶ֔רֶב וַאֲשֶׁ֤ר לָרָעָב֙ לָרָעָ֔ב וַאֲשֶׁ֥ר לַשְּׁבִ֖י לַשֶּׁבִי 3 וּפָקַדְתִּ֨י עֲלֵיהֶ֜ם אַרְבַּ֤ע מִשְׁפָּחוֹת֙ נְאֻם יַהְוֶה אֶת הַחֶ֣רֶב לַהֲרֹ֔ג וְאֶת הַכְּלָבִ֖ים לִסְחֹ֑ב וְאֶת ע֧וֹף הַשָּׁמַ֛יִם וְאֶת בֶּהֱמַ֥ת הָאָ֖רֶץ לֶאֱכֹ֥ל וּלְהַשְׁחִית 4 וּנְתַתִּ֣ים לִזְוָעָה לְכֹל מַמְלְכוֹת הָאָרֶץ בִּגְלַל מְנַשֶּׁה בֶן יְחִזְקִיָּהוּ מֶלֶךְ יְהוּדָה עַל אֲשֶׁר עָשָׂה בִּירוּשָׁלֵם 5 כִּ֠י מִי יַחְמֹ֤ל עָלַ֙יִךְ֙ יְרוּשָׁלֵם וּמִ֖י יָנ֣וּד לָ֑ךְ וּמִ֣י יָס֔וּר לִשְׁאֹ֥ל לְשָׁלֹ֖ם לָךְ 6 אַ֣תְּ נָטַ֥שְׁתְּ אֹתִ֛י נְאֻם יַהְוֶה אָח֣וֹר תֵּלֵ֑כִי וָאַ֨ט אֶת יָדִ֤י עָלַ֙יִךְ֙ וָאַשְׁחִיתֵךְ֔ נִלְאֵ֖יתִי הִנָּחֵם 7 וָאֶזְרֵ֥ם בְּמִזְרֶ֖ה בְּשַׁעֲרֵ֣י הָאָ֑רֶץ שִׁכַּ֤לְתִּי אִבַּ֙דְתִּי֙ אֶת עַמִּ֔י מִדַּרְכֵיהֶ֖ם לוֹא שָׁבוּ 8 עָצְמוּ לִ֤י אַלְמְנֹתָו מֵח֣וֹל יַמִּ֔ים הֵבֵ֨אתִי לָהֶ֥ם עַל אֵ֛ם בָּח֖וּר שֹׁדֵ֣ד בַּצָּהֳרָיִ֑ם הִפַּ֤לְתִּי עָלֶ֙יהָ֙ פִּתְאֹ֔ם עִ֖יר וּבֶהָלוֹת 9 אֻמְלְלָ֞ה יֹלֶ֣דֶת הַשִּׁבְעָ֗ה נָפְחָ֥ה נַפְשָׁ֛הּ בָּא שִׁמְשָׁהּ בְּעֹד יוֹמָם בּוֹשָׁה וְחָפֵרָה וּשְׁאֵרִיתָם לַחֶרֶב אֶתֵּן לִפְנֵי אֹיְבֵיהֶם נְאֻם יַהְוֶה 10 אוֹי לִ֣י אִמִּ֔י כִּ֣י יְלִדְתִּ֗נִי אִ֥ישׁ רִ֛יב וְאִ֥ישׁ מָד֖וֹן לְכָל הָאָ֑רֶץ לֹא נָשִׁ֥יתִי וְלֹא נָשׁוּ בִ֖י כֻּלֹּ֥ה מְקַלְלַונִי 11 אָמַ֣ר יַהְוֶה אִם לֹ֥א שֵׁרִתִךָ לְטוֹב אִם לוֹא הִפְגַּעְתִּי בְךָ בְּעֵת רָעָה וּבְעֵת צָרָה אֶת הָאֹיֵב 12 הֲיָרֹ֨עַ בַּרְזֶ֧ל בַּרְזֶ֛ל מִצָּפ֖וֹן וּנְחֹשֶׁת 13 חֵילְךָ וְאוֹצְרוֹתֶ֛יךָ לָבַ֥ז אֶתֵּ֖ן לֹ֣א בִמְחִ֑יר וּבְכָל חַטֹּאותֶ֖יךָ וּבְכָל גְּבוּלֶיךָ 14 וְהַעֲבַדְתִּיךָ אֶת אֹ֣יְבֶ֔יךָ בְּאֶ֖רֶץ לֹ֣א יָדָ֑עְתָּ כִּי אֵ֛שׁ קָדְחָ֥ה בְאַפִּ֖י עֲלֵיכֶ֥ם תּוּקָד 15 אַתָּ֧ה יָדַ֣עְתָּ יַהְוֶה זָכְרֵ֤נִי וּפָקְדֵ֙נִי֙ וְהִנָּ֤קֶם לִי֙ מֵרֹ֣דְפַ֔י אַל לְאֹרֶךְ אַפְּךָ֖ תִּקָּחֵ֑נִי דַּ֕ע שְׂאֵתִ֥י עָלֶ֖יךָ חֶרְפָּה 16 נִמְצְא֤וּ דְבָרֶ֙יךָ֙ וָאֹ֣כְלֵ֔ם וַיְהִ֤י דְבַרְךָ לִי לְשָׂשׂוֹן וּלְשִׂמְחַת לְבָבִי כִּי נִקְרָא שִׁמְךָ עָלַי יַהְוֶה אֱלֹהֵי צְבָאוֹת 17 לֹא יָשַׁ֥בְתִּי בְסוֹד מְשַׂחֲקִ֖ים וָאֶעְלֹ֑ז מִפְּנֵ֤י יָדְךָ בָּדָ֣ד יָשַׁ֔בְתִּי כִּי זַ֖עַם מִלֵּאתָנִי 18 לָ֣מָּה הָיָ֤ה כְאֵבִי֙ נֶ֔צַח וּמַכָּתִ֖י אֲנוּשָׁ֑ה מֵאֲנָה הֵרָפֵ֔א הָי֨וֹ תִהְיֶ֥ה לִי֙ כְּמ֣וֹ אַכְזָ֔ב מַ֖יִם לֹ֥א נֶאֱמָנוּ 19 לָכֵ֞ן כֹּה אָמַ֣ר יַהְוֶה אִם תָּשׁ֤וּב וַאֲשִׁיבְךָ לְפָנַ֣י תַּעֲמֹ֔ד וְאִם תּוֹצִ֥יא יָקָ֛ר מִזּוֹלֵ֖ל כְּפִ֣י תִהְיֶה֑ יָשֻׁ֤בוּ הֵ֙מָּה֙ אֵלֶ֔יךָ וְאַתָּ֖ה לֹא תָשׁ֥וּב אֲלֵיהֶם 20 וּנְתַתִּ֜יךָ לָעָ֣ם הַזֶּ֗ה לְחוֹמַ֤ת נְחֹ֙שֶׁת֙ בְּצוּרָ֔ה וְנִלְחֲמ֥וּ אֵלֶ֖יךָ וְלֹא י֣וּכְלוּ לָ֑ךְ כִּי אִתְּךָ֥ אֲנִ֛י לְהוֹשִׁיעֲךָ֥ וּלְהַצִּילֶ֖ךָ נְאֻם יַהְוֶה 21 וְהִצַּלְתִּ֖יךָ מִיַּ֣ד רָעִ֑ים וּפְדִתִ֖יךָ מִכַּ֥ף עָרִצִים