Matched Mismatch Not in MapM
67 words: 61 matched, 6 mismatch, 0 missing
1 וְהָיָ֣ה אַחֲרֵי כֵ֗ן אֶשְׁפּ֤וֹךְ אֶת רוּחִי֙ עַל כָּל בָּשָׂ֔ר וְנִבְּא֖וּ בְּנֵיכֶ֣ם וּבְנוֹתֵיכֶ֑ם זִקְנֵיכֶם֙ חֲלֹמ֣וֹת יַחֲלֹמ֔וּן בַּח֣וּרֵיכֶ֔ם חֶזְיֹנ֖וֹת יִרְאוּ 2 וְגַ֥ם עַל הָעֲבָדִ֖ים וְעַל הַשְּׁפָח֑וֹת בַּיָּמִ֣ים הָהֵ֔מָּה אֶשְׁפּ֖וֹךְ אֶת רוּחִי 3 וְנָתַתִּי מוֹפְתִי֔ם בַּשָּׁמַ֖יִם וּבָאָ֑רֶץ דָּ֣ם וָאֵ֔שׁ וְתִימֲרוֹת עָשָׁן 4 הַשֶּׁ֙מֶשׁ֙ יֵהָפֵ֣ךְ לְחֹ֔שֶׁךְ וְהַיָּרֵ֖חַ לְדָ֑ם לִפְנֵ֗י בּ֚וֹא י֣וֹם יַהְוֶה הַגָּד֖וֹל וְהַנּוֹרָא 5 וְהָיָ֗ה כֹּ֧ל אֲשֶׁר יִקְרָ֛א בְּשֵׁ֥ם יַהְוֶה יִמָּלֵ֑ט כִּ֠י בְּהַר צִיּ֨וֹן וּבִירוּשָׁלֵם תִּהְיֶה֣ פְלֵיטָ֗ה כַּאֲשֶׁר אָמַ֣ר יַהְוֶה וּבַ֨שְּׂרִידִ֔ים אֲשֶׁ֥ר יַהְוֶה קֹרֵא