Matched Mismatch Not in MapM
173 words: 159 matched, 14 mismatch, 0 missing
1 הִנֵּ֨ה עַל הֶהָרִ֜ים רַגְלֵ֤י מְבַשֵּׂר֙ מַשְׁמִ֣יעַ שָׁל֔וֹם חָגִּ֧י יְהוּדָ֛ה חַגַּ֖יִךְ שַׁלְּמִ֣י נְדָרָ֑יִךְ כִּי֩ לֹ֨א יוֹסִ֥יף ע֛וֹד לַעֲבוֹר בָּךְ בְּלִיַּעַל כֻּלֹּה נִכְרָת 2 עָלָ֥ה מַפֵּיץ עַל פָּנַ֖יִךְ נָצ֣וֹר מְצוּרָ֑ה צַפֵּה דֶ֙רֶךְ֙ חַזֵּ֣ק מָתְנַ֔יִם אַמֵּ֥ץ כֹּ֖חַ מְאֹד 3 כִּ֣י שָׁ֤ב יַהְוֶה אֶת גְּא֣וֹן יַעֲקֹ֔ב כִּגְא֖וֹן יִשְׂרָאֵ֑ל כִּ֤י בְקָקוּם֙ בֹּקְקִי֔ם וּזְמֹרֵיהֶ֖ם שִׁחֵתוּ 4 מָגֵ֨ן גִּבֹּרֵ֜יהוּ מְאָדָּ֗ם אַנְשֵׁי חַ֙יִל֙ מְתֻלָּעִ֔ים בְּאֵשׁ פְּלָדֹ֥ת הָרֶ֖כֶב בְּי֣וֹם הֲכִינ֑וֹ וְהַבְּרֹשִׁ֖ים הָרְעָלוּ 5 בַּחוּצוֹת֙ יִתְהוֹלְל֣וּ הָרֶ֔כֶב יִשְׁתַּקְשְׁקוּ֖ן בָּרְחֹב֑וֹת מַרְאֵיהֶן֙ כַּלַּפִּידִ֔ים כַּבְּרָקִ֖ים יְרוֹצֵצוּ 6 יִזְכֹּר֙ אַדִּירָ֔יו יִכָּשְׁל֖וּ בַהֲלִכוֹתָם יְמַהֲרוּ חוֹמָתָהּ וְהֻכַן הַסֹּכֵךְ 7 שַׁעֲרֵ֥י הַנְּהָר֖וֹת נִפְתָּ֑חוּ וְהַהֵיכָ֖ל נָמוֹג 8 וְהֻצַּ֖ב גֻּלְּתָ֣ה הֹעֲלָתָ֑ה וְאַמְהֹתֶ֗יהָ מְנַהֲגוֹת כְּק֣וֹל יוֹנִ֔ים מְתֹפְפֹ֖ת עַל לִבְבֵהֶן 9 וְנִינְוֵה֥ כִבְרֵכַת מַ֖יִם מִ֣ימֵי הִ֑יא וְהֵ֣מָּה נָסִ֔ים עִמְד֥וּ עֲמֹ֖דוּ וְאֵ֥ין מַפְנֶה 10 בֹּ֥זּוּ כֶ֖סֶף בֹּ֣זּוּ זָהָ֑ב וְאֵ֥ין קֵ֙צֶה֙ לַתְּכוּנָ֔ה כָּבֹ֕ד מִכֹּ֖ל כְּלִ֥י חֶמְדָּה 11 בּוּקָ֥ה וּמְבוּקָ֖ה וּמְבֻלָּקָ֑ה וְלֵ֨ב נָמֵ֜ס וּפִ֣ק בִּרְכַּ֗יִם וְחַלְחָלָה֙ בְּכָל מָתְנַ֔יִם וּפְנֵ֥י כֻלָּ֖ם קִבְּצ֥וּ פָארוּר 12 אַיֵּה֙ מְע֣וֹן אֲרָי֔וֹת וּמִרְעֶ֥ה ה֖וּא לַכְּפִרִ֑ים אֲשֶׁ֣ר הָלַךְ֩ אַרְיֵ֨ה לָבִ֥יא שָׁ֛ם גּ֥וּר אַרְיֵ֖ה וְאֵ֥ין מַחֲרִיד 13 אַרְיֵ֤ה טֹרֵף֙ בְּדֵ֣י גֹרוֹתָ֔יו וּמְחַנֵּ֖ק לְלִבְאֹתָ֑יו וַיְמַלֵּא טֶ֣רֶף חֹרָ֔יו וּמְעֹנֹתָ֖יו טְרֵפָה 14 הִנְנִ֣י אֵלַ֗יִךְ נְאֻם֙ יַהְוֶה צְבָא֔וֹת וְהִבְעַרְתִּ֤י בֶעָשָׁן֙ רִכְבָּה וּכְפִירַ֖יִךְ תֹּ֣אכַל חָ֑רֶב וְהִכְרַתִּ֤י מֵאֶ֙רֶץ֙ טַרְפֵּ֔ךְ וְלֹא יִשָּׁמַ֥ע ע֖וֹד ק֥וֹל מַלְאָכֵכֵה