Matched Mismatch Not in MapM
145 words: 123 matched, 22 mismatch, 0 missing
1 זְכֹ֤ר יַהְוֶה מֶה הָ֣יָה לָ֔נוּ הַבֵּיט וּרְאֵה אֶת חֶרְפָּתֵנוּ 2 נַחֲלָתֵ֙נוּ֙ נֶהֶפְכָה֣ לְזָרִ֔ים בָּתֵּ֖ינוּ לְנָכְרִים 3 יְתוֹמִ֤ים הָיִ֙ינוּ֙ אֵין אָב אִמֹּתֵינוּ כְּאַלְמָנוֹת 4 מֵימֵ֙ינוּ֙ בְּכֶ֣סֶף שָׁתִ֔ינוּ עֵצֵ֖ינוּ בִּמְחִ֥יר יָבֹאוּ 5 עַ֤ל צַוָּארֵ֙נוּ֙ נִרְדָּ֔פְנוּ יָגַ֖עְנוּ לֹא הוּנַח לָנוּ 6 מִצְרַ֙יִם֙ נָתַ֣נּוּ יָ֔ד אַשּׁ֖וּר לִשְׂבֹּ֥עַ לָחֶם 7 אֲבֹתֵ֤ינוּ חָטְאוּ אֵינָם אֲנַחְנוּ עֲוֺנֹתֵיהֶם סָבָלְנוּ 8 עֲבָדִים֙ מָ֣שְׁלוּ בָ֔נוּ פֹּרֵ֖ק אֵ֥ין מִיָּדָם 9 בְּנַפְשֵׁ֙נוּ֙ נָבִ֣יא לַחְמֵ֔נוּ מִפְּנֵ֖י חֶ֥רֶב הַמִּדְבָּר 10 עוֹרֵ֙נוּ֙ כְּתַנּ֣וּר נִכְמָ֔רוּ מִפְּנֵ֖י זַלְעֲפ֥וֹת רָעָב 11 נָשִׁים֙ בְּצִיּ֣וֹן עִנּ֔וּ בְּתֻלֹ֖ת בְּעָרֵ֥י יְהוּדָה 12 שָׂרִים֙ בְּיָדָ֣ם נִתְל֔וּ פְּנֵ֥י זְקֵנִ֖ים לֹ֥א נֶהְדָּרוּ 13 בַּחוּרִים֙ טְח֣וֹן נָשָׂ֔אוּ וּנְעָרִ֖ים בָּעֵ֥ץ כָּשָׁלוּ 14 זְקֵנִים֙ מִשַּׁ֣עַר שָׁבָ֔תוּ בַּחוּרִ֖ים מִנְּגִינָתָם 15 שָׁבַת֙ מְשׂ֣וֹשׂ לִבֵּ֔נוּ נֶהְפַּ֥ךְ לְאֵ֖בֶל מְחֹלֵנוּ 16 נָפְלָה עֲטֶ֣רֶת רֹאשֵׁ֔נוּ אוֹי נָ֥א לָ֖נוּ כִּ֥י חָטָאנוּ 17 עַל זֶ֗ה הָיָ֤ה דָוֶה֙ לִבֵּ֔נוּ עַל אֵ֖לֶּה חָשְׁכ֥וּ עֵינֵינוּ 18 עַ֤ל הַר צִיּוֹן֙ שֶׁשָּׁמֵ֔ם שׁוּעָלִ֖ים הִלְּכוּ בוֹ 19 אַתָּ֤ה יַהְוֶה לְעוֹלָ֣ם תֵּשֵׁ֔ב כִּסְאֲךָ֖ לְד֥וֹר וָדוֹר 20 לָ֤מָּה לָנֶ֙צַח֙ תִּשְׁכָּחֵ֔נוּ תַּעַזְבֵנ֖וּ לְאֹ֥רֶךְ יָמִים 21 הֲשִׁיבֵ֨נוּ יַהְוֶה אֵלֶ֙יךָ֙ וְנָשׁוּב חַדֵּשׁ יָמֵינוּ כְּקֶדֶם 22 כִּ֚י אִם מָאֹ֣ס מְאַסְתָּ֔נוּ קָצַ֥פְתָּ עָלֵ֖ינוּ עַד מְאֹד