Matched Mismatch Not in MapM
116 words: 110 matched, 6 mismatch, 0 missing
1 תֶּאְשַׁם֙ שֹׁמְר֔וֹן כִּ֥י מָרְתָ֖ה בֵּאלֹהֶ֑יהָ בַּחֶ֣רֶב יִפֹּ֔לוּ עֹלְלֵיהֶ֣ם יְרֻטָּ֔שׁוּ וְהָרִיּוֹתָ֖יו יְבֻקָּעוּ 2 שׁ֚וּבָה יִשְׂרָאֵ֔ל עַ֖ד יַהְוֶה אֱלֹהֶ֑יךָ כִּ֥י כָשַׁ֖לְתָּ בַּעֲוֺנֶךָ 3 קְח֤וּ עִמָּכֶם֙ דְּבָרִ֔ים וְשׁ֖וּבוּ אֶל יַהְוֶה אִמְר֣וּ אֵלָ֗יו כָּל תִּשָּׂ֤א עָוֺן֙ וְקַח ט֔וֹב וּנְשַׁלְּמָה֥ פָרִ֖ים שְׂפָתֵינוּ 4 אַשּׁ֣וּר לֹ֣א יוֹשִׁיעֵ֗נוּ עַל סוּס֙ לֹ֣א נִרְכָּ֔ב וְלֹא נֹ֥אמַר ע֛וֹד אֱלֹהֵ֖ינוּ לְמַעֲשֵׂ֣ה יָדֵ֑ינוּ אֲשֶׁר בְּךָ֖ יְרֻחַ֥ם יָתוֹם 5 אֶרְפָּא֙ מְשׁ֣וּבָתָ֔ם אֹהֲבֵ֖ם נְדָבָ֑ה כִּ֛י שָׁ֥ב אַפִּ֖י מִמֶּנּוּ 6 אֶהְיֶ֤ה כַטַּל֙ לְיִשְׂרָאֵ֔ל יִפְרַ֖ח כַּשּׁוֹשַׁנָּ֑ה וְיַ֥ךְ שָׁרָשָׁ֖יו כִּלְבָנוֹן 7 יֵלְכוּ יֹנְקוֹתָי֔ו וִיהִ֥י כַזַּ֖יִת הוֹד֑וֹ וְרֵ֥יחַ ל֖וֹ כִּלְבָנוֹן 8 יָשֻׁ֙בוּ֙ וְיֵשְׁבוּ בְצִלּ֔וֹ יְחַיּ֥וּ דָגָ֖ן וְיִפְרְח֣וּ כַגָּ֑פֶן זִכְר֖וֹ כְּיֵ֥ין לְבָנוֹן 9 אֶפְרַ֕יִם מַה לִּ֥י ע֖וֹד לָעֲצַבִּ֑ים אֲנִ֧י עָנִ֣יתִי וַאֲשׁוּרֶ֗נּוּ אֲנִי֙ כִּבְר֣וֹשׁ רַעֲנָ֔ן מִמֶּ֖נִּי פֶּרְיְךָ֥ נִמְצָא 10 מִ֤י חָכָם֙ וְיָ֣בֵן אֵ֔לֶּה נָב֖וֹן וְיֵדָעֵ֑ם כִּי יְשָׁרִ֞ים דַּרְכֵ֣י יַהְוֶה וְצַדִּקִים֙ יֵ֣לְכוּ בָ֔ם וּפֹשְׁעִ֖ים יִכָּ֥שְׁלוּ בָם