Matched Mismatch Not in MapM
81 words: 76 matched, 5 mismatch, 0 missing
1 וַיֹּ֨אמֶר יַהְוֶה אֵלַ֗י ע֚וֹד לֵ֣ךְ אֱהַב אִשָּׁ֔ה אֹהֶבֶת רֵ֖עַ וּמְנָאָ֑פֶת כְּאַהֲבַ֤ת יַהְוֶה אֶת בְּנֵ֣י יִשְׂרָאֵ֔ל וְהֵ֗ם פֹּנִים֙ אֶל אֱלֹהִ֣ים אֲחֵרִ֔ים וְאֹהֲבֵ֖י אֲשִׁישֵׁ֥י עֲנָבִים 2 וָאֶכְּרֶ֣הָ לִּ֔י בַּחֲמִשָּׁ֥ה עָשָׂ֖ר כָּ֑סֶף וְחֹ֥מֶר שְׂעֹרִ֖ים וְלֵ֥תֶךְ שְׂעֹרִים 3 וָאֹמַ֣ר אֵלֶ֗יהָ יָמִ֤ים רַבִּים֙ תֵּ֣שְׁבִי לִ֔י לֹ֣א תִזְנִ֔י וְלֹ֥א תִהְיִי֖ לְאִ֑ישׁ וְגַם אֲנִ֖י אֵלָיִךְ 4 כִּ֣י יָמִ֣ים רַבִּ֗ים יֵשְׁבוּ בְּנֵ֣י יִשְׂרָאֵ֔ל אֵ֥ין מֶ֙לֶךְ֙ וְאֵ֣ין שָׂ֔ר וְאֵ֥ין זֶ֖בַח וְאֵ֣ין מַצֵּבָ֑ה וְאֵ֥ין אֵפ֖וֹד וּתְרָפִים 5 אַחַ֗ר יָשֻׁ֙בוּ֙ בְּנֵ֣י יִשְׂרָאֵ֔ל וּבִקְשׁוּ֙ אֶת יַהְוֶה אֱלֹהֵיהֶ֔ם וְאֵ֖ת דָּוִ֣יד מַלְכָּ֑ם וּפָחֲד֧וּ אֶל יַהְוֶה וְאֶל טוּב֖וֹ בְּאַחֲרִ֥ית הַיָּמִים