Matched Mismatch Not in MapM
255 words: 231 matched, 24 mismatch, 0 missing
1 כֹּ֤ה הִרְאַ֙נִי֙ אֲדֹנַי יַהְוֶה וְהִנֵּה֙ יֹצֵר גֹּבַ֔י בִּתְחִלַּ֖ת עֲל֣וֹת הַלָּ֑קֶשׁ וְהִ֨נֵּה לֶ֔קֶשׁ אַחַ֖ר גִּזֵּ֥י הַמֶּלֶךְ 2 וְהָיָ֗ה אִם כִּלָּה֙ לֶאֱכוֹל אֶת עֵ֣שֶׂב הָאָ֔רֶץ וָאֹמַר֗ אֲדֹנַי יַהְוֶה סְלַח נָ֔א מִ֥י יָק֖וּם יַעֲקֹ֑ב כִּ֥י קָטֹ֖ן הוּא 3 נִחַ֥ם יַהְוֶה עַל זֹ֑את לֹ֥א תִהְיֶה֖ אָמַ֥ר יַהְוֶה 4 כֹּ֤ה הִרְאַ֙נִי֙ אֲדֹנַי יַהְוֶה וְהִנֵּ֥ה קֹרֵ֛א לָרִ֥ב בָּאֵ֖שׁ אֲדֹנַי יַהְוֶה וְתֹאכֵל אֶת תְּה֣וֹם רַבָּ֔ה וְאָכְלָ֖ה אֶת הַחֵלֶק 5 וָאֹמַ֗ר אֲדֹנַי יַהְוֶה חֲדַל נָ֔א מִ֥י יָק֖וּם יַעֲקֹ֑ב כִּ֥י קָטֹ֖ן הוּא 6 נִחַ֥ם יַהְוֶה עַל זֹ֑את גַּם הִיא֙ לֹ֣א תִהְיֶה֔ אָמַ֖ר אֲדֹנַי יַהְוֶה 7 כֹּ֣ה הִרְאַ֔נִי וְהִנֵּ֧ה אֲדֹנַי נִצָּ֖ב עַל חוֹמַ֣ת אֲנָ֑ךְ וּבְיָד֖וֹ אֲנָךְ 8 וַיֹּ֨אמֶר יַהְוֶה אֵלַ֗י מָה אַתָּ֤ה רֹאֶה֙ עָמ֔וֹס וָאֹמַ֖ר אֲנָ֑ךְ וַיֹּ֣אמֶר אֲדֹנַי הִנְנִ֨י שָׂ֤ם אֲנָךְ֙ בְּקֶ֙רֶב֙ עַמִּ֣י יִשְׂרָאֵ֔ל לֹא אוֹסִ֥יף ע֖וֹד עֲב֥וֹר לוֹ 9 וְנָשַׁ֙מּוּ֙ בָּמ֣וֹת יִשְׂחָ֔ק וּמִקְדְּשֵׁ֥י יִשְׂרָאֵ֖ל יֶחֱרָ֑בוּ וְקַמְתִּ֛י עַל בֵּ֥ית יָרָבְעָ֖ם בֶּחָרֶב 10 וַיִּשְׁלַ֗ח אֲמַצְיָה֙ כֹּהֵ֣ן בֵּית אֵ֔ל אֶל יָרָבְעָ֥ם מֶלֶךְ יִשְׂרָאֵ֖ל לֵאמֹ֑ר קָשַׁ֨ר עָלֶ֜יךָ עָמ֗וֹס בְּקֶ֙רֶב֙ בֵּ֣ית יִשְׂרָאֵ֔ל לֹא תוּכַ֣ל הָאָ֔רֶץ לְהָכִ֖יל אֶת כָּל דְּבָרָיו 11 כִּי כֹה֙ אָמַ֣ר עָמ֔וֹס בַּחֶ֖רֶב יָמ֣וּת יָרָבְעָ֑ם וְיִ֨שְׂרָאֵ֔ל גָּלֹ֥ה יִגְלֶ֖ה מֵעַ֥ל אַדְמָתוֹ 12 וַיֹּ֤אמֶר אֲמַצְיָה֙ אֶל עָמ֔וֹס חֹזֶ֕ה לֵ֥ךְ בְּרַח לְךָ֖ אֶל אֶ֣רֶץ יְהוּדָ֑ה וֶאֱכָל שָׁ֣ם לֶ֔חֶם וְשָׁ֖ם תִּנָּבֵא 13 וּבֵית אֵ֔ל לֹא תוֹסִ֥יף ע֖וֹד לְהִנָּבֵ֑א כִּ֤י מִקְדַּשׁ מֶ֙לֶךְ֙ ה֔וּא וּבֵ֥ית מַמְלָכָ֖ה הוּא 14 וַיַּ֤עַן עָמוֹס֙ וַיֹּ֣אמֶר אֶל אֲמַצְיָ֔ה לֹא נָבִ֣יא אָנֹ֔כִי וְלֹ֥א בֶן נָבִ֖יא אָנֹ֑כִי כִּי בוֹקֵ֥ר אָנֹ֖כִי וּבוֹלֵ֥ס שִׁקְמִים 15 וַיִּקָּחֵ֣נִי יַהְוֶה מֵאַחֲרֵ֖י הַצֹּ֑אן וַיֹּ֤אמֶר אֵלַי֙ יַהְוֶה לֵ֥ךְ הִנָּבֵ֖א אֶל עַמִּ֥י יִשְׂרָאֵל 16 וְעַתָּ֖ה שְׁמַ֣ע דְּבַר יַהְוֶה אַתָּ֣ה אֹמֵ֗ר לֹ֤א תִנָּבֵא֙ עַל יִשְׂרָאֵ֔ל וְלֹ֥א תַטִּ֖יף עַל בֵּ֥ית יִשְׂחָק 17 לָכֵ֞ן כֹּה אָמַ֣ר יַהְוֶה אִשְׁתְּךָ֞ בָּעִ֤יר תִּזְנֶה֙ וּבָנֶ֤יךָ וּבְנֹתֶ֙יךָ֙ בַּחֶ֣רֶב יִפֹּ֔לוּ וְאַדְמָתְךָ֖ בַּחֶ֣בֶל תְּחֻלָּ֑ק וְאַתָּ֗ה עַל אֲדָמָ֤ה טְמֵאָה֙ תָּמ֔וּת וְיִ֨שְׂרָאֵ֔ל גָּלֹ֥ה יִגְלֶ֖ה מֵעַ֥ל אַדְמָתוֹ