Matched Mismatch Not in MapM
190 words: 170 matched, 20 mismatch, 0 missing
1 כֹּ֥ה הִרְאַ֖נִי אֲדֹנַי יַהְוֶה וְהִנֵּ֖ה כְּל֥וּב קָיִץ 2 וַיֹּ֗אמֶר מָה אַתָּ֤ה רֹאֶה֙ עָמ֔וֹס וָאֹמַ֖ר כְּל֣וּב קָ֑יִץ וַיֹּ֨אמֶר יַהְוֶה אֵלַ֗י בָּ֤א הַקֵּץ֙ אֶל עַמִּ֣י יִשְׂרָאֵ֔ל לֹא אוֹסִ֥יף ע֖וֹד עֲב֥וֹר לוֹ 3 וְהֵילִ֜ילוּ שִׁיר֤וֹת הֵיכָל֙ בַּיּ֣וֹם הַה֔וּא נְאֻ֖ם אֲדֹנַי יַהְוֶה רַ֣ב הַפֶּ֔גֶר בְּכָל מָק֖וֹם הִשְׁלִ֥יךְ הָס 4 שִׁמְעוּ זֹ֕את הַשֹּׁאֲפִ֖ים אֶבְי֑וֹן וְלַשְׁבִּ֖ית עַנְוֵי אָרֶץ 5 לֵאמֹ֗ר מָתַ֞י יַעֲבֹ֤ר הַחֹ֙דֶשׁ֙ וְנַשְׁבִּ֣ירָה שֶּׁ֔בֶר וְהַשַּׁבָּ֖ת וְנִפְתְּחָה בָּ֑ר לְהַקְטִ֤ין אֵיפָה֙ וּלְהַגְדִּ֣יל שֶׁ֔קֶל וּלְעַוֵּ֖ת מֹאזְנֵ֥י מִרְמָה 6 לִקְנ֤וֹת בַּכֶּ֙סֶף֙ דַּלִּ֔ים וְאֶבְי֖וֹן בַּעֲב֣וּר נַעֲלָ֑יִם וּמַפַּ֥ל בַּ֖ר נַשְׁבִּיר 7 נִשְׁבַּ֥ע יַהְוֶה בִּגְא֣וֹן יַעֲקֹ֑ב אִם אֶשְׁכַּ֥ח לָנֶ֖צַח כָּל מַעֲשֵׂיהֶם 8 הַ֤עַל זֹאת֙ לֹא תִרְגַּ֣ז הָאָ֔רֶץ וְאָבַ֖ל כָּל יוֹשֵׁ֣ב בָּ֑הּ וְעָלְתָ֤ה כַיְאֹר כֻּלָּ֔הּ וְנִגְרְשָׁ֥ה וְנִשְׁקְעָה כִּיאוֹר מִצְרָיִם 9 וְהָיָ֣ה בַּיּ֣וֹם הַה֗וּא נְאֻם֙ אֲדֹנַי יַהְוֶה וְהֵבֵאתִ֥י הַשֶּׁ֖מֶשׁ בַּצָּהֳרָיִ֑ם וְהַחֲשַׁכְתִּ֥י לָאָ֖רֶץ בְּי֥וֹם אוֹר 10 וְהָפַכְתִּ֨י חַגֵּיכֶ֜ם לְאֵ֗בֶל וְכָל שִׁירֵיכֶם לְקִינָ֔ה וְהַעֲלֵיתִ֤י עַל כָּל מָתְנַ֙יִם֙ שָׂ֔ק וְעַל כָּל רֹ֖אשׁ קָרְחָ֑ה וְשַׂמְתִּ֙יהָ֙ כְּאֵ֣בֶל יָחִ֔יד וְאַחֲרִיתָ֖הּ כְּי֥וֹם מָר 11 הִנֵּ֣ה יָמִ֣ים בָּאִ֗ים נְאֻם֙ אֲדֹנַי יַהְוֶה וְהִשְׁלַחְתִּ֥י רָעָ֖ב בָּאָ֑רֶץ לֹא רָעָ֤ב לַלֶּ֙חֶם֙ וְלֹא צָמָ֣א לַמַּ֔יִם כִּ֣י אִם לִשְׁמֹ֔עַ אֵ֖ת דְּבַר יַהְוֶה 12 וְנָעוּ֙ מִיָּ֣ם עַד יָ֔ם וּמִצָּפ֖וֹן וְעַד מִזְרָ֑ח יְשׁ֥וֹטְט֛וּ לְבַקֵּ֥שׁ אֶת דְּבַר יַהְוֶה וְלֹ֥א יִמְצָאוּ 13 בַּיּ֨וֹם הַה֜וּא תִּ֠תְעַלַּ֠פְנָה הַבְּתוּלֹ֧ת הַיָּפ֛וֹת וְהַבַּחוּרִ֖ים בַּצָּמָא 14 הַנִּשְׁבָּעִים֙ בַּאֲשִׁמַת שֹׁמְרוֹ֔ן וְאָמְר֗וּ חֵ֤י אֱלֹהֶ֙יךָ֙ דָּ֔ן וְחֵ֖י דֶּ֣רֶךְ בְּאֵר שָׁ֑בַע וְנָפְל֖וּ וְלֹא יָק֥וּמוּ עוֹד