Matched Mismatch Not in MapM
186 words: 170 matched, 16 mismatch, 0 missing
1 וּזְכֹר֙ אֶת בּ֣וֹרְאֶ֔יךָ בִּימֵ֖י בְּחוּרֹתֶ֑יךָ עַ֣ד אֲשֶׁ֤ר לֹא יָבֹ֙אוּ֙ יְמֵ֣י הָרָעָה֔ וְהִגִּ֣יעוּ שָׁנִ֔ים אֲשֶׁ֣ר תֹּאמַ֔ר אֵין לִ֥י בָהֶ֖ם חֵפֶץ 2 עַ֠ד אֲשֶׁ֨ר לֹא תֶחְשַׁ֤ךְ הַשֶּׁ֙מֶשׁ֙ וְהָא֔וֹר וְהַיָּרֵ֖חַ וְהַכּוֹכָבִ֑ים וְשָׁ֥בוּ הֶעָבִ֖ים אַחַ֥ר הַגָּשֶׁם 3 בַּיּ֗וֹם שֶׁיָּזֻ֙עוּ֙ שֹׁמְרֵ֣י הַבַּ֔יִת וְהִתְעַוְּתוּ֖ אַנְשֵׁ֣י הֶחָ֑יִל וּבָטְל֤וּ הַטֹּחֲנוֹת כִּ֣י מִעֵ֔טוּ וְחָשְׁכ֥וּ הָרֹא֖וֹת בָּאֲרֻבּוֹת 4 וְסֻגְּר֤וּ דְלָתַ֙יִם֙ בַּשּׁ֔וּק בִּשְׁפַ֖ל ק֣וֹל הַטַּחֲנָה֑ וְיָקוּם֙ לְק֣וֹל הַצִּפּ֔וֹר וְיִשַּׁ֖חוּ כָּל בְּנ֥וֹת הַשִּׁיר 5 גַּ֣ם מִגָּבֹ֤הַּ יִרָ֙אוּ֙ וְחַתְחַתִּ֣ים בַּדֶּ֔רֶךְ וְיָנֵ֤אץ הַשָּׁקֵד֙ וְיִסְתַּבֵּ֣ל הֶחָגָב֔ וְתֻפַר הָאֲבִיּוֹנָה֑ כִּי הֹלֵ֤ךְ הָאָדָם֙ אֶל בֵּ֣ית עוֹלָמ֔וֹ וְסָבְב֥וּ בַשּׁ֖וּק הַסּוֹפְדִים 6 עַ֣ד אֲשֶׁ֤ר לֹא יִנָּתֵק חֶבֶל הַכֶּסֶף וְתֵרוֹץ גֻּלַּת הַזָּהָב וְתִשָּׁבֶר כַּד עַל הַמַּבּוּעַ וְיָרֻץ הַגַּלְגַּל אֶל הַבּוֹר 7 וְיָשֹׁ֧ב הֶעָפָ֛ר עַל הָאָ֖רֶץ כְּשֶׁהָיָ֑ה וְהָר֣וּחַ תָּשׁ֔וּב אֶל הָאֱלֹהִ֖ים אֲשֶׁ֥ר נְתָנָהּ 8 הֲבֵ֧ל הֲבָלִ֛ים אָמַ֥ר הַקּוֹהֶ֖לֶת הַכֹּ֥ל הָבֶל 9 וְיֹתֵ֕ר שֶׁהָיָ֥ה קֹהֶ֖לֶת חָכָ֑ם ע֗וֹד לִמַּד דַּ֙עַת֙ אֶת הָעָ֔ם וְאִזֵּ֣ן וְחִקֵּ֔ר תִּקֵּ֖ן מְשָׁלִ֥ים הַרְבֵּה 10 בִּקֵּ֣שׁ קֹהֶ֔לֶת לִמְצֹ֖א דִּבְרֵי חֵ֑פֶץ וְכָתוֹב יֹ֖שֶׁר דִּבְרֵ֥י אֱמֶת 11 דִּבְרֵ֤י חֲכָמִים֙ כַּדָּ֣רְבֹנ֔וֹת וּכְמַשְׂמְרוֹ֥ת נְטוּעִ֖ים בַּעֲלֵ֣י אֲסֻפּ֑וֹת נִתְּנ֖וּ מֵרֹעֶ֥ה אֶחָד 12 וְיֹתֵ֥ר מֵהֵ֖מָּה בְּנִ֣י הִזָּהֵ֑ר עֲשׂ֨וֹת סְפָרִ֤ים הַרְבֵּה֙ אֵ֣ין קֵ֔ץ וְלַ֥הַג הַרְבֵּ֖ה יְגִעַ֥ת בָּשָׂר 13 ס֥וֹף דָּבָ֖ר הַכֹּ֣ל נִשְׁמָ֑ע אֶת הָאֱלֹהִ֤ים יְרָא֙ וְאֶת מִצְוֺתָ֣יו שְׁמ֔וֹר כִּי זֶ֖ה כָּל הָאָדָם 14 כִּ֚י אֶת כָּל מַעֲשֶׂה֔ הָאֱלֹהִ֛ים יָבִ֥א בְמִשְׁפָּ֖ט עַ֣ל כָּל נֶעְלָ֑ם אִם ט֖וֹב וְאִם רָע