Matched Mismatch Not in MapM
280 words: 269 matched, 11 mismatch, 0 missing
1 מִ֚י כְּהֶ֣חָכָ֔ם וּמִ֥י יוֹדֵ֖עַ פֵּ֣שֶׁר דָּבָ֑ר חָכְמַ֤ת אָדָם֙ תָּאִ֣יר פָּנָ֔יו וְעַז פָּנָ֖יו יְשֻׁנֶּא 2 פִּי מֶלֶךְ שְׁמוֹר וְעַל דִּבְרַת שְׁבוּעַת אֱלֹהִים 3 אַל תִּבָּהֵ֤ל מִפָּנָיו֙ תֵּלֵ֔ךְ אַל תַּעֲמֹ֖ד בְּדָבָ֣ר רָ֑ע כִּ֛י כָּל אֲשֶׁ֥ר יַחְפֹּ֖ץ יַעֲשֶׂה 4 בַּאֲשֶׁ֥ר דְּבַר מֶ֖לֶךְ שִׁלְט֑וֹן וּמִ֥י יֹאמַר ל֖וֹ מַה תַּעֲשֶׂה 5 שׁוֹמֵ֣ר מִצְוָ֔ה לֹ֥א יֵדַ֖ע דָּבָ֣ר רָ֑ע וְעֵ֣ת וּמִשְׁפָּ֔ט יֵדַ֖ע לֵ֥ב חָכָם 6 כִּ֣י לְכָל חֵ֔פֶץ יֵ֖שׁ עֵ֣ת וּמִשְׁפָּ֑ט כִּי רָעַ֥ת הָאָדָ֖ם רַבָּ֥ה עָלָיו 7 כִּי אֵינֶ֥נּוּ יֹדֵ֖עַ מַה שֶּׁיִּהְיֶה֑ כִּ֚י כַּאֲשֶׁ֣ר יִהְיֶה֔ מִ֖י יַגִּ֥יד לוֹ 8 אֵ֣ין אָדָ֞ם שַׁלִּ֤יט בָּר֙וּחַ֙ לִכְל֣וֹא אֶת הָר֔וּחַ וְאֵ֤ין שִׁלְטוֹן֙ בְּי֣וֹם הַמָּ֔וֶת וְאֵ֥ין מִשְׁלַ֖חַת בַּמִּלְחָמָ֑ה וְלֹא יְמַלֵּ֥ט רֶ֖שַׁע אֶת בְּעָלָיו 9 אֶת כָּל זֶ֤ה רָאִ֙יתִי֙ וְנָת֣וֹן אֶת לִבִּ֔י לְכָל מַעֲשֶׂ֔ה אֲשֶׁ֥ר נַעֲשָׂ֖ה תַּ֣חַת הַשָּׁ֑מֶשׁ עֵ֗ת אֲשֶׁ֨ר שָׁלַ֧ט הָאָדָ֛ם בְּאָדָ֖ם לְרַ֥ע לוֹ 10 וּבְכֵ֡ן רָאִ֩יתִי֩ רְשָׁעִ֨ים קְבָרִים מוּבָאִים וּמִמְּק֤וֹם קָדוֹשׁ֙ יְהַלֵּ֔כוּ וְיִשְׁתַּבְּחוּ בָעִ֖יר אֲשֶׁ֣ר כֵּן עָשׂ֑וּ גַּם זֶ֖ה הָבֶל 11 אֲשֶׁר֙ אֵין נַעֲשָׂ֣ה פִתְגָ֔ם מַעֲשֵׂ֥ה הָרָעָ֖ה מְהֵרָ֑ה עַל כֵּ֡ן מָלֵ֞א לֵ֧ב בְּנֵי הָאָדָ֛ם בָּהֶ֖ם לַעֲשׂ֥וֹת רָע 12 אֲשֶׁ֣ר חֹטֶ֗א עֹשֶׂ֥ה רָ֛ע מְאַ֖ת וּמַאֲרִ֣יךְ ל֑וֹ כִּ֚י גַּם יוֹדֵ֣עַ אָ֔נִי אֲשֶׁ֤ר יִהְיֶה טּוֹב֙ לְיִרְאֵ֣י הָאֱלֹהִ֔ים אֲשֶׁ֥ר יִירְאוּ֖ מִלְּפָנָיו 13 וְטוֹב֙ לֹא יִהְיֶ֣ה לָרָשָׁע֔ וְלֹא יַאֲרִ֥יךְ יָמִ֖ים כַּצֵּ֑ל אֲשֶׁ֛ר אֵינֶ֥נּוּ יָרֵ֖א מִלִּפְנֵ֥י אֱלֹהִים 14 יֶשׁ הֶ֘בֶל֮ אֲשֶׁ֣ר נַעֲשָׂ֣ה עַל הָאָ֒רֶץ֒ אֲשֶׁ֣ר יֵ֣שׁ צַדִּיקִ֗ים אֲשֶׁ֨ר מַגִּ֤יעַ אֲלֵהֶם֙ כְּמַעֲשֵׂ֣ה הָרְשָׁעִ֔ים וְיֵ֣שׁ רְשָׁעִ֔ים שֶׁמַּגִּ֥יעַ אֲלֵהֶ֖ם כְּמַעֲשֵׂ֣ה הַצַּדִּיקִ֑ים אָמַ֕רְתִּי שֶׁגַּם זֶ֖ה הָבֶל 15 וְשִׁבַּ֤חְתִּי אֲנִי֙ אֶת הַשִּׂמְחָ֔ה אֲשֶׁ֨ר אֵין ט֤וֹב לָאָדָם תַּ֣חַת הַשֶּׁ֔מֶשׁ כִּ֛י אִם לֶאֱכֹ֥ל וְלִשְׁתּ֖וֹת וְלִשְׂמ֑וֹחַ וְה֞וּא יִלְוֶ֣נּוּ בַעֲמָל֗וֹ יְמֵ֥י חַיָּ֛יו אֲשֶׁר נָתַן ל֥וֹ הָאֱלֹהִ֖ים תַּ֥חַת הַשָּׁמֶשׁ 16 כַּאֲשֶׁ֨ר נָתַ֤תִּי אֶת לִבִּי֙ לָדַ֣עַת חָכְמָ֔ה וְלִרְאוֹת֙ אֶת הָ֣עִנְיָ֔ן אֲשֶׁ֥ר נַעֲשָׂ֖ה עַל הָאָ֑רֶץ כִּ֣י גַ֤ם בַּיּוֹם֙ וּבַלַּ֔יְלָה שֵׁנָ֕ה בְּעֵינָ֖יו אֵינֶ֥נּוּ רֹאֶה 17 וְרָאִ֘יתִי֮ אֶת כָּל מַעֲשֵׂ֣ה הָאֱלֹהִים֒ כִּי֩ לֹ֨א יוּכַ֜ל הָאָדָ֗ם לִמְצוֹא֙ אֶת הַמַּעֲשֶׂה אֲשֶׁ֣ר נַעֲשָׂ֣ה תַחַת הַשֶּׁ֔מֶשׁ בְּ֠שֶׁ֠ל אֲשֶׁ֨ר יַעֲמֹ֧ל הָאָדָ֛ם לְבַקֵּ֖שׁ וְלֹ֣א יִמְצָ֑א וְגַ֨ם אִם יֹאמַ֤ר הֶחָכָם לָדַ֔עַת לֹ֥א יוּכַ֖ל לִמְצֹא