Matched Mismatch Not in MapM
473 words: 439 matched, 33 mismatch, 1 missing
1 וַיִּשְׁמַ֞ע הַכְּנַעֲנִ֤י מֶלֶךְ עֲרָד֙ יֹשֵׁ֣ב הַנֶּ֔גֶב כִּ֚י בָּ֣א יִשְׂרָאֵ֔ל דֶּ֖רֶךְ הָאֲתָרִ֑ים וַיִּלָּ֙חֶם֙ בְּיִשְׂרָאֵ֔ל וַיִּ֥שְׁבְּ מִמֶּ֖נּוּ שֶׁבִי 2 וַיִּדַּ֨ר יִשְׂרָאֵ֥ל נֶ֛דֶר לְיַהְוֶה וַיֹּאמַ֑ר אִם נָתֹ֨ן תִּתֵּ֜ן אֶת הָעָ֤ם הַזֶּה֙ בְּיָדִ֔י וְהַחֲרַמְתִּי֖ אֶת עָרֵיהֶם 3 וַיִּשְׁמַ֨ע יַהְוֶה בְּק֣וֹל יִשְׂרָאֵ֗ל וַיִּתֵּן֙ אֶת הַכְּנַעֲנִי֔ בְּיָדוֹ וַיַּחֲרֵם אֶתְהֶם וְאֶת עָרֵיהֶם וַיִּקְרָא שֵׁם הַמָּקוֹם חָרְמָה 4 וַיִּסְע֞וּ מֵהֹ֤ר הָהָר֙ דֶּ֣רֶךְ יַם ס֔וּף לִסְבֹ֖ב אֶת אֶ֣רֶץ אֱד֑וֹם וַתִּקְצַ֥ר נֶפֶשׁ הָעָ֖ם בַּדָּרֶךְ 5 וַיְדַבֵּ֣ר הָעָ֗ם בֵּאלֹהִים וּבְמֹשֶׁה֒ לָמָ֤ה הֶעֱלִיתֻנ֙וּ מִמִּצְרַ֔יִם לָמ֖וּת בַּמִּדְבָּ֑ר כִּ֣י אֵ֥ין לֶ֙חֶם֙ וְאֵ֣ין מַ֔יִם וְנַפְשֵׁ֣נוּ קָ֔צָה בַּלֶּ֖חֶם הַקְּלֹקֵל 6 וַיְשַׁלַּ֨ח יַהְוֶה בָּעָ֗ם אֵ֚ת הַנְּחָשִׁ֣ים הַשְּׂרָפִ֔ים וַיְנַשְּׁכוּ֖ אֶת הָעָ֑ם וַיָּ֥מָת עַם רָ֖ב מִיִּשְׂרָאֵל 7 וַיָּבֹא֩ הָעָ֨ם אֶל מֹשֶׁ֜ה וַיֹּאמְר֣וּ חָטָ֗אנוּ כִּי דִבַּ֤רְנוּ בְיַהְוֶה וָבָ֔ךְ הִתְפַּלֵּל֙ אֶל יַהְוֶה וְיָסֵ֥ר מֵעָלֵ֖ינוּ אֶת הַנָּחָ֑שׁ וַיִּתְפַּלֵּ֥ל מֹשֶׁ֖ה בְּעַ֥ד הָעָם 8 וַיֹּ֨אמֶר יַהְוֶה אֶל מֹשֶׁ֗ה עֲשֵׂ֤ה לְךָ֙ שָׂרָ֔ף וְשִׂ֥ים אֹת֖וֹ עַל נֵ֑ס וְהָיָה֙ כָּל הַנָּשׁ֔וּךְ וְרָאָ֥ה אֹת֖וֹ וָחָי 9 וַיַּ֤עַשׂ מֹשֶׁה֙ נְחַ֣שׁ נְחֹ֔שֶׁת וַיְשִׂמֵ֖הוּ עַל הַנֵּ֑ס וְהָיָ֗ה אִם נָשַׁ֤ךְ הַנָּחָשׁ֙ אֶת אִ֔ישׁ וְהִבִּ֛יט אֶל נְחַ֥שׁ הַנְּחֹ֖שֶׁת וָחָי 10 וַיִּסְע֖וּ בְּנֵ֣י יִשְׂרָאֵ֑ל וַיַּחֲנוּ֖ בְּאֹבֹת 11 וַיִּסְע֖וּ מֵאֹבֹ֑ת וַיַּחֲנוּ֞ בְּעִיֵּ֣י הָעֲבָרִי֗ם בַּמִּדְבָּר֙ אֲשֶׁר֙ עַל פְּנֵ֣י מוֹאָ֔ב מִמִּזְרַ֖ח הַשָּׁמֶשׁ 12 מִשָּׁ֖ם נָסָ֑עוּ וַיַּחֲנוּ֖ בְּנַ֥חַל זָרֶד 13 מִשָּׁם֮ נָסָ֒עוּ֒ וַיַּחֲנוּ֗ מֵעֵ֤בֶר אַרְנוֹן֙ אֲשֶׁ֣ר בַּמִּדְבָּ֔ר הַיֹּצֵ֖א מִגְבֻל הָאֱמֹרִי֑ כִּ֤י אַרְנוֹן֙ גְּב֣וּל מוֹאָ֔ב בֵּ֥ין מוֹאָ֖ב וּבֵ֥ין הָאֱמֹרִי 14 עַל כֵּן֙ יֵאָמַר֔ בְּסֵ֖פֶר מִלְחֲמֹ֣ת יַהְוֶה אֶת וָהֵ֣ב בְּסוּפָ֔ה וְאֶת הַנְּחָלִ֖ים אַרְנוֹן 15 וְאֶ֙שֶׁד֙ הַנְּחָלִ֔ים אֲשֶׁ֥ר נָטָ֖ה לְשֶׁ֣בֶת עָ֑ר וְנִשְׁעַ֖ן לִגְב֥וּל מוֹאָב 16 וּמִשָּׁ֖ם בְּאֵ֑רָה הוּא הַבְּאֵ֗ר אֲשֶׁ֨ר אָמַ֤ר יַהְוֶה לְמֹשֶׁ֔ה אֱסֹף֙ אֶת הָעָ֔ם וְאֶתְּנָ֥ה לָהֶ֖ם מָיִם 17 אָ֚ז יָשִׁ֣יר יִשְׂרָאֵ֔ל אֶת הַשִּׁירָ֖ה הַזֹּ֑את עֲלִ֥י בְאֵ֖ר עֱנוּ לָהּ 18 בְּאֵ֞ר חֲפָר֣וּהָ שָׂרִ֗ים כָּר֙וּהָ֙ נְדִיבֵ֣י הָעָ֔ם בִּמְחֹקֵ֖ק בְּמִשְׁעֲנֹתָ֑ם וּמִמִּדְבָּ֖ר מַתָּנָה 19 וּמִמַּתָּנָ֖ה נַחֲלִיאֵ֑ל וּמִנַּחֲלִיאֵ֖ל בָּמוֹת 20 וּמִבָּמ֗וֹת הַגַּיְא֙ אֲשֶׁר֙ בִּשְׂדֵ֣ה מוֹאָ֔ב רֹ֖אשׁ הַפִּסְגָּ֑ה הַנִּשְׁקָף עַל פְּנֵ֥י הַיְשִׁימֹן 21 וַיִּשְׁלַ֤ח יִשְׂרָאֵל֙ מַלְאָכִ֔ים אֶל סִיחֹ֥ן מֶלֶךְ הָאֱמֹרִ֖י לֵאמֹר 22 אֶעְבְּרָ֣ה בְאַרְצֶ֗ךָ לֹ֤א נִטֶּה֙ בְּשָׂדֶ֣ה וּבְכֶ֔רֶם לֹ֥א נִשְׁתֶּ֖ה מֵ֣י בְאֵ֑ר בְּדֶ֤רֶךְ הַמֶּ֙לֶךְ֙ נֵלֵ֔ךְ עַ֥ד אֲשֶׁר נַעֲבֹ֖ר גְּבֻלֶךָ 23 וְלֹא נָתַ֨ן סִיחֹ֣ן אֶת יִשְׂרָאֵל֮ עֲבֹ֣ר בִּגְבֻלוֹ֒ וַיֶּאֱסֹ֨ף סִיחֹ֜ן אֶת כָּל עַמּ֗וֹ וַיֵּצֵ֞א לִקְרַ֤את יִשְׂרָאֵל֙ הַמִּדְבָּ֔רָה וַיָּבֹ֖א יָ֑הְצָה וַיִּלָּ֖חֶם בְּיִשְׂרָאֵל 24 וַיַּכֵּ֥הוּ יִשְׂרָאֵ֖ל לְפִי חָ֑רֶב וַיִּירַ֨שׁ אֶת אַרְצ֜וֹ מֵאַרְנֹן֗ עַד יַבֹּק֙ עַד בְּנֵ֣י עַמּ֔וֹן כִּ֣י יַזְעֵר גְּב֖וּל בְּנֵ֥י עַמּוֹן 25 וַיִּקַּח֙ יִשְׂרָאֵ֔ל אֵ֥ת כָּל הֶעָרִ֖ים הָאֵ֑לֶּה וַיֵּ֤שֶׁב יִשְׂרָאֵל֙ בְּכָל עָרֵ֣י הָאֱמֹרִי֔ בְּחֶשְׁבּ֖וֹן וּבְכָל בְּנֹתֶיהָ 26 כִּ֣י חֶשְׁבּ֔וֹן עִ֗יר סִיחֹ֛ן מֶ֥לֶךְ הָאֱמֹרִ֖י הוּא וְה֣וּא נִלְחַ֗ם בְּמֶ֤לֶךְ מוֹאָב֙ הָרִאשׁוֹ֔ן וַיִּקַּ֧ח אֶת כָּל אַרְצ֛וֹ מִיָּד֖וֹ עַד אַרְנֹן 27 עַל כֵּ֛ן יֹאמְר֥וּ הַמֹּשְׁלִ֖ים בֹּ֣אוּ חֶשְׁבּ֑וֹן תִּבָּנֶ֥ה וּתְכּוֹנַן עִ֥יר סִיחוֹן 28 כִּי אֵשׁ֙ יָצְאָה֣ מֵחֶשְׁבּוֹ֔ן לֶהָבָ֖ה מִקִּרְיַ֣ת סִיחֹ֑ן אָכְלָה עָ֣ר מוֹאָ֔ב בָּלְעָה בָּמ֥וֹת אַרְנֹן 29 אוֹי לְךָ֣ מוֹאָ֔ב אָבַ֖דְתָּ עַם כְּמ֑וֹשׁ נָתַ֨ן בָּנָ֤יו פְּלֵיטִם֙ וּבְנֹתָ֣יו בַּשְּׁבִ֔ית לְמֶ֥לֶךְ אֱמֹרִ֖י סִיחוֹן 30 וְנִינָם אֻבַּד חֶשְׁבּ֖וֹן עַד דִּיבֹ֑ן וַנַּשִּׁ֣ים עַד נֹ֔פַח אֵשׁ עַל מֵידְבָא 31 וַיֵּ֙שֶׁב֙ יִשְׂרָאֵ֔ל בְּאֶ֖רֶץ הָאֱמֹרִי 32 וַיִּשְׁלַ֤ח מֹשֶׁה֙ לְרַגֵּ֣ל אֶת יַעְזֵ֔ר וַיִּלְכְּדוּ֖ בְּנֹתֶ֑יהָ וַיִּירַשׁ אֶת הָאֱמֹרִי אֲשֶׁר שָׁם 33 וַיִּפְנוּ֙ וַיַּעֲלוּ֔ דֶּ֖רֶךְ הַבָּשָׁ֑ן וַיֵּצֵ֣א עוֹג֩ מֶלֶךְ הַבָּשָׁ֨ן לִקְרָאתָ֜ם ה֧וּא וְכָל עַמּ֛וֹ לַמִּלְחָמָ֖ה אֶדְרֶעִי 34 וַיֹּ֨אמֶר יַהְוֶה אֶל מֹשֶׁה֙ אַל תִּירָ֣א אֹת֔וֹ כִּ֣י בְיָדְךָ֞ נָתַ֧תִּי אֹת֛וֹ וְאֶת כָּל עַמּ֖וֹ וְאֶת אַרְצ֑וֹ וְעָשִׂ֣יתָ לּ֔וֹ כַּאֲשֶׁ֣ר עָשִׂ֗יתָ לְסִיחֹן֙ מֶ֣לֶךְ הָאֱמֹרִי֔ אֲשֶׁ֥ר יוֹשֵׁ֖ב בְּחֶשְׁבּוֹן 35 וַיַּכּ֨וּ אֹת֤וֹ וְאֶת בָּנָיו֙ וְאֶת כָּל עַמּ֔וֹ עַד בִּלְתִּ֥י הִשְׁאִיר ל֖וֹ שָׂרִ֑יד וַיִּירְשׁוּ֖ אֶת אַרְצוֹ