Matched Mismatch Not in MapM
196 words: 176 matched, 19 mismatch, 1 missing
1 וְאֵ֤לֶּה הָיוּ֙ בְּנֵ֣י דָוִ֔יד אֲשֶׁ֥ר נוֹלַד ל֖וֹ בְּחֶבְר֑וֹן הַבְּכ֣וֹר אַמְנֹ֗ן לַאֲחִינֹ֙עַם֙ הַיִּזְרְעֵאלִ֔ית הַשֵּׁנִי דָּנִיֵּ֔אל לַאֲבִיגַ֖יִל הַכַּרְמְלִית 2 הַשְּׁלִשִׁי֙ אַבְשָׁלוֹם בֶּן מַעֲכָ֔ה בַּת תַּלְמַ֖י מֶ֣לֶךְ גְּשׁ֑וּר הָרְבִיעִ֖י אֲדֹנִיָּ֥ה בֶן חַגִּית 3 הַחֲמִישִׁ֥י שְׁפַטְיָ֖ה לַאֲבִיטָ֑ל הַשִּׁשִּׁ֥י יִתְרְעָ֖ם לְעֶגְלָ֥ה אִשְׁתּוֹ 4 שִׁשָּׁה֙ נוֹלַד ל֣וֹ בְחֶבְר֔וֹן וַיִּ֨מְלָךְ שָׁ֔ם שֶׁ֥בַע שָׁנִ֖ים וְשִׁשָּׁ֣ה חֳדָשִׁ֑ים וּשְׁלֹשִׁ֤ים וְשָׁלוֹשׁ֙ שָׁנָ֔ה מָלַ֖ךְ בִּירוּשָׁלֵם 5 וְאֵ֥לֶּה נוּלְּדוּ ל֖וֹ בִּירוּשָׁלָ֑יִם שִׁ֠מְעָ֠א וְשׁוֹבָ֞ב וְנָתָ֤ן וּשְׁלֹמֹה֙ אַרְבָּעָ֔ה לְבַת שׁ֖וּעַ בַּת עַמִּיאֵל 6 וְיִבְחָ֥ר וֶאֱלִישׁוּעַ וֶאֱלִיפָלֶט 7 וְנֹ֥גַהּ וְנֶ֖פֶג וְיָפִיעַ 8 וֶאֱלִישָׁמָ֧ע וְאֶלְיָדָ֛ע וֶאֱלִיפֶ֖לֶט תִּשְׁעָה 9 כֹּ֖ל בְּנֵ֣י דָוִ֑יד מִלְּבַ֥ד בְּנֵי פִילַגְשִׁי֖ם וְתָמָ֥ר אֲחוֹתָם 10 וּבֶן שְׁלֹמֹ֖ה רְחַבְעָ֑ם אֲבִיָּ֥ה בְנ֛וֹ אָסָ֥א בְנ֖וֹ יְהוֹשָׁפָ֥ט בְּנוֹ 11 יוֹרָ֥ם בְּנ֛וֹ אֲחַזְיָ֥הוּ בְנ֖וֹ יוֹאָ֥שׁ בְּנוֹ 12 אֲמַצְיָ֧הוּ בְנ֛וֹ עֲזַרְיָ֥ה בְנ֖וֹ יוֹתָ֥ם בְּנוֹ 13 אָחָ֥ז בְּנ֛וֹ חִזְקִיָּ֥הוּ בְנ֖וֹ מְנַשֶּׁ֥ה בְנוֹ 14 אָמ֥וֹן בְּנ֖וֹ יֹאשִׁיָּ֥הוּ בְנוֹ 15 וּבְנֵי֙ יֹאשִׁיָּה֔וּ הַבְּכוֹר֙ יוֹחָנָן֔ הַשֵּׁנִ֖י יְהוֹיָקִ֑ים הַשְּׁלִשִׁי֙ צִדְקִיָּ֔הוּ הָרְבִיעִ֖י שַׁלּוּם 16 וּבְנֵ֖י יְהוֹיָקִ֑ים יְכָנְיָ֥ה בְנ֖וֹ צִדְקִיָּ֥ה בְנוֹ 17 וּבְנֵי֙ יְכָנְיָ֣ה אַסִּ֔ר שְׁאַלְתִּיאֵ֖ל בְּנוֹ 18 וּמַלְכִּירָם וּפְדָיָ֖ה וְשֶׁנְאַצַּ֑ר יְקַמְיָ֥ה הוֹשָׁמָ֖ע וּנְדַבְיָה 19 וּבְנֵ֣י פְדָיָ֔ה זְרֻבָּבֶ֖ל וְשִׁמְעִ֑י וּבְנֵי זְרֻבָּבֶל֙ מְשֻׁלָּ֣ם וַחֲנַנְיָ֔ה וּשְׁלֹמִ֖ית אֲחוֹתָם 20 וַחֲשֻׁבָ֡ה וָ֠אֹ֠הֶל וּבֶרֶכְיָ֧ה וַחֲסַדְיָ֛ה י֥וּשַׁב חֶ֖סֶד חָמֵשׁ 21 וּבְנֵי חֲנַנְיָ֖ה פְּלַטְיָ֣ה וִישַׁעְיָ֑ה בְּנוֹ רְפָיָה֙ בְּנוֹ אַרְנָ֔ן בְּנוֹ עֹבַדְיָ֖ה בְּנוֹ שְׁכַנְיָה בְּנוֹ 22 וּבְנֵ֥י שְׁכַנְיָ֖ה שְׁמַעְיָה֑ וּבְנֵ֣י שְׁמַעְיָה֗ חַטּ֡וּשׁ וְ֠יִגְאָ֠ל וּבָרִ֧יחַ וּנְעַרְיָ֛ה וְשָׁפָ֖ט שִׁשָּׁה 23 וּבֶן נְעַרְיָ֗ה אֶלְיוֹעֵינַ֧י וְחִזְקִיָּ֛ה וְעַזְרִיקָ֖ם שְׁלֹשָׁה 24 וּבְנֵ֣י אֶלְיוֹעֵינַ֗י הֹדַוְיָהוּ וְאֶלְיָשִׁיב וּפְלָיָה וְעַקּוּב וְיוֹחָנָן וּדְלָיָה וַעֲנָנִי שִׁבְעָה