Matched Mismatch Not in MapM
630 words: 592 matched, 33 mismatch, 5 missing
1 בְּנֵ֖י לֵוִ֑י גֵּרְשֹׁ֕ם קְהָ֖ת וּמְרָרִי 2 וְאֵ֛לֶּה שְׁמ֥וֹת בְּנֵי גֵרְשׁ֖וֹם לִבְנִ֥י וְשִׁמְעִי 3 וּבְנֵ֖י קְהָ֑ת עַמְרָ֣ם וְיִצְהָ֔ר וְחֶבְר֖וֹן וְעֻזִּיאֵל 4 בְּנֵ֥י מְרָרִ֖י מַחְלִ֣י וּמֻשִׁ֑י וְאֵ֛לֶּה מִשְׁפְּח֥וֹת הַלֵּוִ֖י לַאֲבֹתֵיהֶם 5 לְגֵרְשׁוֹ֑ם לִבְנִ֥י בְנ֛וֹ יַ֥חַת בְּנ֖וֹ זִמָּ֥ה בְנוֹ 6 יוֹאָ֤ח בְּנוֹ֙ עֲדִי בְנ֔וֹ זֶ֥רַח בְּנ֖וֹ יְאָתְרַ֥י בְּנוֹ 7 בְּנֵ֖י קְהָ֑ת עַמִּינָדָ֣ב בְּנ֔וֹ קֹ֥רַח בְּנ֖וֹ אַסִּ֥יר בְּנוֹ 8 אֶלְקָנָ֥ה וְאֶבְיָסָף בָּנָו וְאַסִּיר בְּנוֹ 9 תַּ֤חַת בְּנוֹ֙ אוּרִיאֵ֣ל בְּנ֔וֹ עֻזִּיָּ֥ה בְנ֖וֹ וְשָׁא֥וּל בְּנוֹ 10 וּבְנֵי֙ אֶלְקָנָ֔ה עֲמָשַׂ֖י וַאֲחִימוֹת 11 אֶלְקָנָ֑ה צוֹפַי בְּנוֹ וְנַחַת בְּנוֹ 12 אֱלִיאָ֥ב בְּנ֛וֹ יְרֹחָ֥ם בְּנ֖וֹ אֶלְקָנָ֥ה בְנוֹ 13 וּבְנֵ֧י שְׁמוּאֵ֛ל הַבְּכֹ֥ר יוֹאֵל וְהַשֵׁנִּי אֲבִיָּה 14 בְּנֵ֥י מְרָרִ֖י מַחְלִ֑י לִבְנִ֥י בְנ֛וֹ שִׁמְעִ֥י בְנ֖וֹ עֻזָּ֥ה בְנוֹ 15 שִׁמְעָ֥א בְנ֛וֹ חַגִּיָּ֥ה בְנ֖וֹ עֲשָׂיָ֥ה בְנוֹ 16 וְאֵ֗לֶּה אֲשֶׁ֨ר הֶעֱמִ֥יד דָּוִ֛יד עַל יְדֵי שִׁ֖יר בֵּ֣ית יְהֹוַה מִמְּנ֖וֹחַ הָאָרוֹן 17 וַיִּהְיוּ֨ מְשָׁרְתִ֜ים לִפְנֵ֨י מִשְׁכַּ֤ן אֹהֶל מוֹעֵד֙ בַּשִּׁ֔יר עַד בְּנ֧וֹת שְׁלֹמֹ֛ה אֶת בֵּ֥ית יְהֹוַה בִּירוּשָׁלֵם וַיַּעַמְד֥וּ כְמִשְׁפָּטָ֖ם עַל עֲבוֹדָתָם 18 וְאֵ֥לֶּה הָעֹמְדִ֖ים וּבְנֵיהֶ֑ם מִבְּנֵי֙ הַקְּהָתִ֔י הֵימָן֙ הַמְשׁוֹרֵ֔ר בֶּן יוֹאֵ֖ל בֶּן שְׁמוּאֵל 19 בֶּן אֶלְקָנָה֙ בֶּן יְרֹחָ֔ם בֶּן אֱלִיאֵ֖ל בֶּן תּוֹחַ 20 בֶּן צוּף בֶּן אֶלְקָנָה בֶּן מַחַת בֶּן עֲמָשָׂי 21 בֶּן אֶלְקָנָה֙ בֶּן יוֹאֵ֔ל בֶּן עֲזַרְיָ֖ה בֶּן צְפַנְיָה 22 בֶּן תַּ֙חַת֙ בֶּן אַסִּ֔יר בֶּן אֶבְיָסָ֖ף בֶּן קֹרַח 23 בֶּן יִצְהָ֣ר בֶּן קְהָ֔ת בֶּן לֵוִ֖י בֶּן יִשְׂרָאֵל 24 וְאָחִ֣יו אָסָ֔ף הָעֹמֵ֖ד עַל יְמִינ֑וֹ אָסָ֥ף בֶּן בֶּרֶכְיָ֖הוּ בֶּן שִׁמְעָא 25 בֶּן מִיכָאֵ֥ל בֶּן מַעֲשֵׂיָה בֶּן מַלְכִּיָּה 26 בֶּן אֶתְנִ֥י בֶן זֶ֖רַח בֶּן עֲדָיָה 27 בֶּן אֵיתָ֥ן בֶּן זִמָּ֖ה בֶּן שִׁמְעִי 28 בֶּן יַ֥חַת בֶּן גֵּרְשֹׁ֖ם בֶּן לֵוִי 29 וּבְנֵ֧י מְרָרִ֛י אֲחֵיהֶ֖ם עַל הַשְּׂמֹ֑אול אֵיתָן֙ בֶּן קִישִׁ֔י בֶּן עַבְדִּ֖י בֶּן מַלּוּךְ 30 בֶּן חֲשַׁבְיָ֥ה בֶן אֲמַצְיָ֖ה בֶּן חִלְקִיָּה 31 בֶּן אַמְצִ֥י בֶן בָּנִ֖י בֶּן שָׁמֶר 32 בֶּן מַחְלִי֙ בֶּן מוּשִׁ֔י בֶּן מְרָרִ֖י בֶּן לֵוִי 33 וַאֲחֵיהֶ֖ם הַלְוִיִּ֑ם נְתוּנִ֕ים לְכָ֨ל עֲבוֹדַ֔ת מִשְׁכַּ֖ן בֵּ֥ית הָאֱלֹהִים 34 וְאַהֲרֹן֨ וּבָנָ֜יו מַקְטִירִ֨ים עַל מִזְבַּ֤ח הָעוֹלָה֙ וְעַל מִזְבַּ֣ח הַקְּטֹ֔רֶת לְכֹ֕ל מְלֶ֖אכֶת קֹ֣דֶשׁ הַקֳּדָשִׁ֑ים וּלְכַפֵּר֙ עַל יִשְׂרָאֵ֔ל כְּכֹל֙ אֲשֶׁ֣ר צִוָּ֔ה מֹשֶׁ֖ה עֶ֥בֶד הָאֱלֹהִים 35 וְאֵ֖לֶּה בְּנֵ֣י אַהֲרֹ֑ן אֶלְעָזָ֥ר בְּנ֛וֹ פִּינְחָס֥ בְּנ֖וֹ אֲבִישׁ֥וּעַ בְּנוֹ 36 בֻּקִּ֥י בְנ֛וֹ עֻזִּ֥י בְנ֖וֹ זְרַחְיָה֥ בְנוֹ 37 מְרָי֥וֹת בְּנ֛וֹ אֲמַרְיָ֥ה בְנ֖וֹ אֲחִיט֥וּב בְּנוֹ 38 צָד֥וֹק בְּנ֖וֹ אֲחִימַ֥עַץ בְּנוֹ 39 וְאֵ֙לֶּה֙ מוֹשְׁבוֹתָם֔ לְטִירוֹתָ֖ם בִּגְבוּלָ֑ם לִבְנֵ֤י אַהֲרֹן לְמִשְׁפַּ֣חַת הַקְּהָתִ֔י כִּ֥י לָהֶ֖ם הָיָ֥ה הַגּוֹרָל 40 וַיִּתְּנוּ֥ לָהֶ֛ם אֶת חֶבְר֖וֹן בְּאֶ֣רֶץ יְהוּדָ֑ה וְאֶת מִגְרָשֶׁ֖יהָ סְבִיבֹתֶיהָ 41 וְאֶת שְׂדֵ֥ה הָעִ֖יר וְאֶת חֲצֵרֶ֑יהָ נָתְנ֖וּ לְכָלֵ֥ב בֶּן יְפֻנֶּה 42 וְלִבְנֵ֣י אַהֲרֹ֗ן נָתְנוּ אֶת עָרֵ֣י הַמִּקְלָ֔ט אֶת חֶבְר֥וֹן וְאֶת לִבְנָ֖ה וְאֶת מִגְרָשֶׁ֑יהָ וְאֶת יַתִּ֥ר וְאֶת אֶשְׁתְּמֹ֖עַ וְאֶת מִגְרָשֶׁיהָ 43 וְאֶת חֹלוֹן וְאֶת מִגְרָשֶׁ֔יהָ אֶת דְּבִ֖יר וְאֶת מִגְרָשֶׁיהָ 44 וְאֶת עָשָׁן֙ וְאֶת מִגְרָשֶׁ֔יהָ וְאֶת יֻטָּה וְאֶת מִגְרָשֶׁיהָ וְאֶת בֵּית שֶׁמֶשׁ וְאֶת מִגְרָשֶׁיהָ 45 וּמִמַּטֵּ֣ה בִנְיָמִ֗ן אֶת גֶּ֤בַע וְאֶת מִגְרָשֶׁ֙יהָ֙ וְאֶת עָלֶ֣מֶת וְאֶת מִגְרָשֶׁ֔יהָ וְאֶת עֲנָת֖וֹת וְאֶת מִגְרָשֶׁ֑יהָ כָּל עָרֵיהֶ֛ם שְׁלֹשׁ עֶשְׂרֵ֥ה עִ֖יר בְּמִשְׁפְּחוֹתֵיהֶם 46 וְלִבְנֵ֨י קְהָ֜ת הַנּוֹתָרִי֗ם מִמִּשְׁפַּ֣חַת הַמַּטֶּ֡ה מִמַּ֠חֲצִי֠ת מַטֵּ֨ה מְנַשֶּׁה בַּגּוֹרָל עָרִים עָשֶׂר 47 וְלִבְנֵ֨י גֵרְשׁ֜וֹם לְמִשְׁפְּחוֹתָ֗ם מִמַּטֵּ֣ה יִשְׂשָׂכָר וּמִמַּטֵּ֨ה אָשֵׁ֜ר וּמִמַּטֵּ֣ה נַפְתָּלִ֗י וּמִמַּטֵּ֤ה מְנַשֶּׁה֙ בַּבָּשָׁ֔ן עָרִ֖ים שְׁלֹ֥שׁ עֶשְׂרֵה 48 לִבְנֵ֨י מְרָרִ֜י לְמִשְׁפְּחוֹתָ֗ם מִמַּטֵּ֣ה רְ֠אוּבֵ֠ן וּמִמַּטֵּה גָ֞ד וּמִמַּטֵּ֤ה זְבֻלוּן֙ בַּגּוֹרָ֔ל עָרִ֖ים שְׁתֵּ֥ים עֶשְׂרֵה 49 וַיִּתְּנ֥וּ בְנֵי יִשְׂרָאֵ֖ל לַלְוִיִּ֑ם אֶת הֶעָרִ֖ים וְאֶת מִגְרְשֵׁיהֶם 50 וַיִּתְּנ֣וּ בַגּוֹרָ֗ל מִמַּטֵּ֤ה בְנֵי יְהוּדָה֙ וּמִמַּטֵּ֣ה בְנֵי שִׁמְע֔וֹן וּמִמַּטֵּ֖ה בְּנֵ֣י בִנְיָמִ֑ן אֵ֚ת הֶעָרִ֣ים הָאֵ֔לֶּה אֲשֶׁר יִקְרְא֥וּ אֶתְהֶ֖ם בְּשֵׁמוֹת 51 וּמִמִּשְׁפְּחוֹ֖ת בְּנֵ֣י קְהָ֑ת וַיְהִי עָרֵ֣י גְבוּלָ֔ם מִמַּטֵּ֖ה אֶפְרָיִם 52 וַיִּתְּנ֨וּ לָהֶ֜ם אֶת עָרֵ֧י הַמִּקְלָ֛ט אֶת שְׁכֶ֥ם וְאֶת מִגְרָשֶׁ֖יהָ בְּהַ֣ר אֶפְרָ֑יִם וְאֶת גֶּ֖זֶר וְאֶת מִגְרָשֶׁיהָ 53 וְאֶת יָקְמְעָם֙ וְאֶת מִגְרָשֶׁ֔יהָ וְאֶת בֵּ֥ית חוֹר֖וֹן וְאֶת מִגְרָשֶׁיהָ 54 וְאֶת אַיָּלוֹן֙ וְאֶת מִגְרָשֶׁ֔יהָ וְאֶת גַּת רִמּ֖וֹן וְאֶת מִגְרָשֶׁיהָ 55 וּמִמַּחֲצִית מַטֵּ֣ה מְנַשֶּׁ֔ה אֶת עָנֵר֙ וְאֶת מִגְרָשֶׁ֔יהָ וְאֶת בִּלְעָ֖ם וְאֶת מִגְרָשֶׁ֑יהָ לְמִשְׁפַּ֥חַת לִבְנֵי קְהָ֖ת הַנּוֹתָרִים 56 לִבְנֵי֮ גֵּרְשׁוֹם֒ מִמִּשְׁפַּ֗חַת חֲצִי֙ מַטֵּ֣ה מְנַשֶּׁ֔ה אֶת גּוֹלָ֥ן בַּבָּשָׁ֖ן וְאֶת מִגְרָשֶׁ֑יהָ וְאֶת עַשְׁתָּר֖וֹת וְאֶת מִגְרָשֶׁיהָ 57 וּמִמַּטֵּ֣ה יִשְׂשָׂכָר אֶת קֶ֖דֶשׁ וְאֶת מִגְרָשֶׁ֑יהָ אֶת דָּבְרַ֖ת וְאֶת מִגְרָשֶׁיהָ 58 וְאֶת רָאמוֹת֙ וְאֶת מִגְרָשֶׁ֔יהָ וְאֶת עָנֵ֖ם וְאֶת מִגְרָשֶׁיהָ 59 וּמִמַּטֵּ֣ה אָשֵׁ֔ר אֶת מָשָׁ֖ל וְאֶת מִגְרָשֶׁ֑יהָ וְאֶת עַבְדּ֖וֹן וְאֶת מִגְרָשֶׁיהָ 60 וְאֶת חוּקֹק֙ וְאֶת מִגְרָשֶׁ֔יהָ וְאֶת רְחֹ֖ב וְאֶת מִגְרָשֶׁיהָ 61 וּמִמַּטֵּ֣ה נַפְתָּלִ֗י אֶת קֶ֤דֶשׁ בַּגָּלִיל֙ וְאֶת מִגְרָשֶׁ֔יהָ וְאֶת חַמּ֖וֹן וְאֶת מִגְרָשֶׁ֑יהָ וְאֶת קִרְיָתַ֖יִם וְאֶת מִגְרָשֶׁיהָ 62 לִבְנֵ֣י מְרָרִי֮ הַנּוֹתָרִים֒ מִמַּטֵּ֣ה זְבֻל֔וּן אֶת רִמּוֹנ֖וֹ וְאֶת מִגְרָשֶׁ֑יהָ אֶת תָּב֖וֹר וְאֶת מִגְרָשֶׁיהָ 63 וּמֵעֵ֜בֶר לְיַרְדֵּ֣ן יְרֵחוֹ֮ לְמִזְרַ֣ח הַיַּרְדֵּן֒ מִמַּטֵּ֣ה רְאוּבֵ֔ן אֶת בֶּ֥צֶר בַּמִּדְבָּ֖ר וְאֶת מִגְרָשֶׁ֑יהָ וְאֶת יַ֖הְצָה וְאֶת מִגְרָשֶׁיהָ 64 וְאֶת קְדֵמוֹת֙ וְאֶת מִגְרָשֶׁ֔יהָ וְאֶת מֵיפַ֖עַת וְאֶת מִגְרָשֶׁיהָ 65 וּמִ֨מַּטֵּה גָ֔ד אֶת רָאמ֥וֹת בַּגִּלְעָ֖ד וְאֶת מִגְרָשֶׁ֑יהָ וְאֶת מַחֲנַ֖יִם וְאֶת מִגְרָשֶׁיהָ 66 וְאֶת חֶשְׁבּוֹן֙ וְאֶת מִגְרָשֶׁ֔יהָ וְאֶת יַעְזֵ֖יר וְאֶת מִגְרָשֶׁיהָ