Matched Mismatch Not in MapM
182 words: 167 matched, 15 mismatch, 0 missing
1 וַ֠יָּ֠שָׁב יְהוֹשָׁפָ֨ט מֶלֶךְ יְהוּדָ֧ה אֶל בֵּית֛וֹ בְּשָׁל֖וֹם לִירוּשָׁלֵם 2 וַיֵּצֵ֣א אֶל פָּנָ֗יו יֵה֣וּא בֶן חֲנָ֘נִי֮ הַחֹזֶה֒ וַיֹּ֙אמֶר֙ אֶל הַמֶּ֣לֶךְ יְהוֹשָׁפָ֔ט הֲלָרָשָׁ֣ע לַעְזֹ֔ר וּלְשֹׂנְאֵ֥י יְהֹוַה תֶּאֱהָ֑ב וּבָזֹאת֙ עָלֶ֣יךָ קֶּ֔צֶף מִלִּפְנֵ֖י יְהֹוָה 3 אֲבָ֕ל דְּבָרִ֥ים טוֹבִ֖ים נִמְצְא֣וּ עִמָּ֑ךְ כִּי בִעַ֤רְתָּ הָאֲשֵׁרוֹת֙ מִן הָאָ֔רֶץ וַהֲכִינ֥וֹתָ לְבָבְךָ֖ לִדְרֹ֥שׁ הָאֱלֹהִים 4 וַיֵּ֥שֶׁב יְהוֹשָׁפָ֖ט בִּירוּשָׁלֵם וַיָּ֜שָׁב וַיֵּצֵ֣א בָעָ֗ם מִבְּאֵ֥ר שֶׁ֙בַע֙ עַד הַ֣ר אֶפְרַ֔יִם וַיְשִׁיבֵ֕ם אֶל יְהֹוַה אֱלֹהֵ֥י אֲבוֹתֵיהֶם 5 וַיַּעֲמֵ֨ד שֹׁפְטִ֜ים בָּאָ֗רֶץ בְּכָל עָרֵ֧י יְהוּדָ֛ה הַבְּצֻר֖וֹת לְעִ֥יר וָעִיר 6 וַיֹּ֣אמֶר אֶל הַשֹּׁפְטִ֗ים רְאוּ֙ מָה אַתֶּ֣ם עֹשִׂ֔ים כִּ֣י לֹ֧א לְאָדָ֛ם תִּשְׁפְּט֖וּ כִּ֣י לַיהֹוַה וְעִמָּכֶ֖ם בִּדְבַ֥ר מִשְׁפָּט 7 וְעַתָּ֕ה יְהִ֥י פַחַד יְהֹוַה עֲלֵיכֶ֑ם שִׁמְר֣וּ וַעֲשׂ֔וּ כִּי אֵ֞ין עִם יְהֹוַה אֱלֹהֵ֗ינוּ עַוְלָ֛ה וּמַשֹּׂ֥א פָנִ֖ים וּמִקַּח שֹׁחַד 8 וְגַ֣ם בִּירוּשָׁלֵם הֶעֱמִ֨יד יְהוֹשָׁפָ֜ט מִן הַלְוִיִּ֣ם וְהַכֹּהֲנִ֗ים וּמֵרָאשֵׁ֤י הָאָבוֹת֙ לְיִשְׂרָאֵ֔ל לְמִשְׁפַּ֥ט יְהֹוַה וְלָרִ֑יב יוֹשְׁבֵי יְרוּשָׁלֵם 9 וַיְצַ֥ו עֲלֵיהֶ֖ם לֵאמֹ֑ר כֹּ֤ה תַעֲשׂוּן בְּיִרְאַ֣ת יְהֹוַה בֶּאֱמוּנָ֖ה וּבְלֵבָ֥ב שָׁלֵם 10 וְכָל רִיב֩ אֲשֶׁר יָב֨וֹא עֲלֵיכֶ֜ם מֵאֲחֵיכֶ֣ם הַיֹּשְׁבִ֣ים בְּעָרֵיהֶ֗ם בֵּין דָּ֣ם לְדָם֮ בֵּין תּוֹרָ֣ה לְמִצְוָה֮ לְחֻקִּ֣ים וּלְמִשְׁפָּטִים֒ וְהִזְהַרְתֶּ֣ם אֹתָ֔ם וְלֹ֤א יֶאְשְׁמוּ֙ לַיהֹוַה וְהָיָה קֶ֥צֶף עֲלֵיכֶ֖ם וְעַל אֲחֵיכֶ֑ם כֹּ֥ה תַעֲשׂ֖וּן וְלֹ֥א תֶאְשָׁמוּ 11 וְהִנֵּ֡ה אֲמַרְיָ֣הוּ כֹהֵן֩ הָרֹ֨אשׁ עֲלֵיכֶ֜ם לְכֹ֣ל דְּבַר יְהֹוַה וּזְבַדְיָ֨הוּ בֶן יִשְׁמָעֵ֜אל הַנָּגִ֤יד לְבֵית יְהוּדָה֙ לְכֹ֣ל דְּבַר הַמֶּ֔לֶךְ וְשֹׁטְרִ֥ים הַלְוִיִּ֖ם לִפְנֵיכֶ֑ם חִזְק֣וּ וַעֲשׂ֔וּ וִיהִ֥י יְהֹוַה עִם הַטּוֹב