Matched Mismatch Not in MapM
290 words: 241 matched, 49 mismatch, 0 missing
1 וַיְהִ֞י מִקֵּ֣ץ עֶשְׂרִ֣ים שָׁנָ֗ה אֲשֶׁ֨ר בָּנָ֧ה שְׁלֹמֹ֛ה אֶת בֵּ֥ית יְהֹוַה וְאֶת בֵּיתוֹ 2 וְהֶעָרִ֗ים אֲשֶׁ֨ר נָתַ֤ן חוּרָם֙ לִשְׁלֹמֹ֔ה בָּנָ֥ה שְׁלֹמֹ֖ה אֹתָ֑ם וַיּ֥וֹשֶׁב שָׁ֖ם אֶת בְּנֵ֥י יִשְׂרָאֵל 3 וַיֵּ֤לֶךְ שְׁלֹמֹה֙ חֲמָ֣ת צוֹבָ֔ה וַיֶּחֱזַ֖ק עָלֶיהָ 4 וַיִּ֥בֶן אֶת תַּדְמֹ֖ר בַּמִּדְבָּ֑ר וְאֵת֙ כָּל עָרֵ֣י הַמִּסְכְּנוֹ֔ת אֲשֶׁ֥ר בָּנָ֖ה בַּחֲמָת 5 וַיִּ֜בֶן אֶת בֵּ֤ית חוֹרוֹן֙ הָעֶלְי֔וֹן וְאֶת בֵּ֥ית חוֹר֖וֹן הַתַּחְתּ֑וֹן עָרֵ֣י מָצ֔וֹר חוֹמ֖וֹת דְּלָתַ֥יִם וּבְרִיחַ 6 וְאֶת בַּעֲלָ֗ת וְאֵ֨ת כָּל עָרֵ֤י הַמִּסְכְּנוֹת אֲשֶׁ֣ר הָי֣וּ לִשְׁלֹמֹ֔ה וְאֵת֙ כָּל עָרֵ֣י הָרֶ֔כֶב וְאֵ֖ת עָרֵ֣י הַפָּרָשִׁ֑ים וְאֵ֣ת כָּל חֵ֣שֶׁק שְׁלֹמֹ֗ה אֲשֶׁ֤ר חָשַׁק֙ לִבְנ֤וֹת בִּירוּשָׁלֵם וּבַלְּבָנ֔וֹן וּבְכֹ֖ל אֶ֥רֶץ מֶמְשַׁלְתּוֹ 7 כָּל הָ֠עָ֠ם הַנּוֹתָ֨ר מִן הַחִתִּ֜י וְהָאֱמֹרִ֤י וְהַפְּרִזִּי֙ וְהַחִוִּ֣י וְהַיְבוּסִ֔י אֲשֶׁ֛ר לֹ֥א מִיִּשְׂרָאֵ֖ל הֵמָּה 8 מִן בְּנֵיהֶ֗ם אֲשֶׁ֨ר נוֹתְר֤וּ אַחֲרֵיהֶם בָּאָ֔רֶץ אֲשֶׁ֥ר לֹא כִלּ֖וּם בְּנֵ֣י יִשְׂרָאֵ֑ל וַיַּעֲלֵ֤ם שְׁלֹמֹה֙ לְמַ֔ס עַ֖ד הַיּ֥וֹם הַזֶּה 9 וּמִן בְּנֵי֙ יִשְׂרָאֵ֔ל לֹא נָתַן שְׁלֹמֹה לַעֲבָדִים לִמְלַאכְתּוֹ כִּי הֵמָּה אַנְשֵׁי מִלְחָמָה וְשָׂרָיו וְשָׁלִישָׁיו וְשָׂרֵי רִכְבּוֹ וּפָרָשָׁיו 10 וְאֵ֨לֶּה שָׂרֵ֧י הַנְּצִיבִים אֲשֶׁר לַמֶּלֶךְ שְׁלֹמֹה חֲמִשִּׁים וּמָאתָיִם הָרֹדִים בָּעָם 11 וְאֶת בַּת פַּרְעֹ֗ה הֶעֱלָ֤ה שְׁלֹמֹה֙ מֵעִ֣יר דָּוִ֔יד לַבַּ֖יִת אֲשֶׁ֣ר בָּנָה לָ֑הּ כִּ֣י אָמַ֗ר לֹא תֵשֵׁ֨ב אִשָּׁ֥ה לִי֙ בְּבֵית֙ דָּוִ֣יד מֶלֶךְ יִשְׂרָאֵ֔ל כִּי קֹ֣דֶשׁ הֵ֔מָּה אֲשֶׁר בָּ֥אָה אֲלֵיהֶ֖ם אֲר֥וֹן יְהֹוָה 12 אָ֣ז הֶעֱלָ֧ה שְׁלֹמֹ֛ה עֹל֖וֹת לַיהֹוַה עַ֚ל מִזְבַּ֣ח יְהֹוַה אֲשֶׁ֥ר בָּנָ֖ה לִפְנֵ֥י הָאוּלָם 13 וּבִדְבַר י֣וֹם בְּי֗וֹם לְהַעֲלוֹת כְּמִצְוַ֣ת מֹשֶׁ֔ה לַשַּׁבָּתוֹת֙ וְלֶ֣חֳדָשִׁ֔ים וְלַמּ֣וֹעֲד֔וֹת שָׁל֥וֹשׁ פְּעָמִ֖ים בַּשָּׁנָ֑ה בְּחַ֧ג הַמַּצּ֛וֹת וּבְחַ֥ג הַשָּׁבֻע֖וֹת וּבְחַ֥ג הַסֻּכּוֹת 14 וַיַּעֲמֵ֣ד כְּמִשְׁפַּ֣ט דָּוִיד אָ֠בִ֠יו אֶת מַחְלְק֨וֹת הַכֹּהֲנִ֜ים עַל עֲבֹדָתָ֗ם וְהַלְוִיִּ֣ם עַל מִ֠שְׁמְרוֹתָ֠ם לְהַלֵּ֨ל וּלְשָׁרֵ֜ת נֶ֤גֶד הַכֹּהֲנִים לִדְבַר י֣וֹם בְּיוֹמ֔וֹ וְהַשֹּׁעֲרִ֥ים בְּמַחְלְקוֹתָ֖ם לְשַׁ֣עַר וָשָׁ֑עַר כִּ֣י כֵ֔ן מִצְוַ֖ת דָּוִ֥יד אִישׁ הָאֱלֹהִים 15 וְלֹ֣א סָ֩רוּ֩ מִמִּצְוַת הַמֶּ֜לֶךְ עַל הַכֹּהֲנִ֧ים וְהַלְוִיִּ֛ם לְכָל דָּבָ֖ר וְלָאֹצָרוֹת 16 וַתִּכֹּן֙ כָּל מְלֶ֣אכֶת שְׁלֹמֹ֔ה עַד הַיּ֛וֹם מוּסַ֥ד בֵּית יְהֹוַה וְעַד כְּלֹת֑וֹ שִׁלֵּם בֵּ֥ית יְהֹוָה 17 אָז֩ הָלַ֨ךְ שְׁלֹמֹ֜ה לְעֶצְיוֹן גֶּ֧בֶר וְאֶל אֵיל֛וֹת עַל שְׂפַ֥ת הַיָּ֖ם בְּאֶ֥רֶץ אֱדוֹם 18 וַיִּשְׁלַח לוֹ֩ חוּרָ֨ם בְּיַד עֲבָדָ֜יו אוֹנִיּוֹת וַעֲבָדִים יוֹדְעֵי יָם וַיָּבֹאוּ עִם עַבְדֵי שְׁלֹמֹה אוֹפִירָה וַיִּקְחוּ מִשָּׁם אַרְבַּע מֵאוֹת וַחֲמִשִּׁים כִּכַּר זָהָב וַיָּבִיאוּ אֶל הַמֶּלֶךְ שְׁלֹמֹה