Matched Mismatch Not in MapM
226 words: 200 matched, 26 mismatch, 0 missing
1 לֵ֣ץ הַיַּין הֹמֶ֣ה שֵׁכָ֑ר וְכָל שֹׁ֥גֶה בּ֝֗וֹ לֹ֣א יֶחְכָּם 2 נַ֣הַם כַּ֭כְּפִיר אֵ֣ימַת מֶ֑לֶךְ מִ֝תְעַבְּר֗וֹ חוֹטֵ֥א נַפְשׁוֹ 3 כָּב֣וֹד לָ֭אִישׁ שֶׁ֣בֶת מֵרִ֑יב וְכָל אֱ֝וִ֗יל יִתְגַּלָּע 4 מֵ֭חֹרֶף עָצֵ֣ל לֹא יַחֲרֹ֑שׁ יִשְׁאַל בַּקָּצִיר וָאָיִן 5 מַ֣יִם עֲ֭מֻקִּים עֵצָ֣ה בְלֶב אִ֑ישׁ וְאִ֖ישׁ תְּבוּנָ֣ה יִדְלֶנָּה 6 רָב אָדָ֗ם יִקָּרֵא אִ֣ישׁ חָסֶד וְאִ֥ישׁ אֱ֝מוּנִ֗ים מִ֣י יִמְצָא 7 מִתְהַלֵּ֣ךְ בְּתֻמּ֣וֹ צַדִּ֑יק אַשְׁרֵ֖י בָנָ֣יו אַחֲרָיו 8 מֶ֗לֶךְ יוֹשֵׁ֥ב עַל כִּסֵּא דִ֑ין מְזָרֶ֖ה בְעֵינָ֣יו כָּל רָע 9 מִי יֹ֭אמַר זִכִּ֣יתִי לִבִּ֑י טָ֝הַ֗רְתִּי מֵחַטָּאתִי 10 אֶ֣בֶן וָ֭אֶבֶן אֵיפָ֣ה וְאֵיפָ֑ה תּוֹעֲבַ֥ת יַהְוֶה גַּם שְׁנֵיהֶם 11 גַּ֣ם בְּ֭מַעֲלָלָיו יִתְנַכֶּר נָ֑עַר אִם זַ֖ךְ וְאִם יָשָׁ֣ר פָּעֳלוֹ 12 אֹ֣זֶן שֹׁ֭מַעַת וְעַ֣יִן רֹאָ֑ה יַהְוֶה עָשָׂ֥ה גַם שְׁנֵיהֶם 13 אַל תֶּאֱהַ֣ב שֵׁ֭נָה פֶּן תִּוָּרֵ֑שׁ פְּקַ֖ח עֵינֶ֣יךָ שְׂבַע לָחֶם 14 רַ֣ע רַ֭ע יֹאמַ֣ר הַקּוֹנֶ֑ה וְאֹזֵ֥ל ל֝֗וֹ אָ֣ז יִתְהַלָּל 15 יֵ֣שׁ זָ֭הָב וְרָב פְּנִינִ֑ים וּכְלִ֥י יְ֝קָ֗ר שִׂפְתֵי דָעַת 16 לְקַח בִּ֭גְדוֹ כִּי עָ֣רַב זָ֑ר וּבְעַ֖ד נָכְרִים חַבְלֵהוּ 17 עָרֵ֣ב לָ֭אִישׁ לֶ֣חֶם שָׁ֑קֶר וְ֝אַחַ֗ר יִמָּלֵא פִ֥יהוּ חָצָץ 18 מַ֭חֲשָׁבוֹת בְּעֵצָ֣ה תִכּ֑וֹן וּ֝בְתַחְבֻּל֗וֹת עֲשֵׂ֣ה מִלְחָמָה 19 גּוֹלֶה סּ֭וֹד הוֹלֵ֣ךְ רָכִ֑יל וּלְפֹתֶ֥ה שְׂ֝פָתָ֗יו לֹ֣א תִתְעָרָב 20 מְ֭קַלֵּל אָבִ֣יו וְאִמּ֑וֹ יִדְעַךְ֥ נֵ֝ר֗וֹ בְּאִישׁוֹן חֹשֶׁךְ 21 נַ֭חֲלָה מְבֹהֶלֶת בָּרִאשׁוֹנָה וְאַחֲרִיתָהּ לֹא תְבֹרָךְ 22 אַל תֹּאמַ֥ר אֲשַׁלְּמָה רָ֑ע קַוֵּ֥ה לְיַהְוֶה וְיֹ֣שַׁע לָךְ 23 תּוֹעֲבַ֣ת יַהְוֶה אֶ֣בֶן וָאָ֑בֶן וּמֹאזְנֵ֖י מִרְמָ֣ה לֹא טוֹב 24 מִיַּהְוֶה מִצְעֲדֵי גָ֑בֶר וְ֝אָדָ֗ם מַה יָּבִ֥ין דַּרְכּוֹ 25 מוֹקֵ֣שׁ אָ֭דָם יָ֣לַע קֹ֑דֶשׁ וְאַחַ֖ר נְדָרִ֣ים לְבַקֵּר 26 מְזָרֶ֣ה רְ֭שָׁעִים מֶ֣לֶךְ חָכָ֑ם וַיָּ֖שֶׁב עֲלֵיהֶ֣ם אוֹפָן 27 נֵ֣ר יַהְוֶה נִשְׁמַ֣ת אָדָ֑ם חֹ֝פֵ֗שׂ כָּל חַדְרֵי בָטֶן 28 חֶ֣סֶד וֶאֱ֭מֶת יִצְּרוּ מֶ֑לֶךְ וְסָעַ֖ד בַּחֶ֣סֶד כִּסְאוֹ 29 תִּפְאֶ֣רֶת בַּחוּרִ֣ים כֹּחָ֑ם וַהֲדַ֖ר זְקֵנִ֣ים שֵׂיבָה 30 חַבֻּר֣וֹת פֶּ֭צַע תַּמְרִיק בְּרָע וּמַכּוֹת חַדְרֵי בָטֶן