Matched Mismatch Not in MapM
233 words: 221 matched, 12 mismatch, 0 missing
1 פַּלְגֵי מַ֣יִם לֶב מֶ֭לֶךְ בְּיַד יַהְוֶה עַל כָּל אֲשֶׁ֖ר יַחְפֹּ֣ץ יַטֶּנּוּ 2 כָּל דֶּרֶךְ אִ֭ישׁ יָשָׁ֣ר בְּעֵינָ֑יו וְתֹכֵ֖ן לִבּ֣וֹת יַהְוֶה 3 עֲ֭שֹׂה צְדָקָ֣ה וּמִשְׁפָּ֑ט נִבְחָ֖ר לְיַהְוֶה מִזָּבַח 4 רוּם עֵ֭ינַיִם וְרֹחַב לֵ֑ב נִ֖ר רְשָׁעִ֣ים חַטָּאת 5 מַחְשְׁב֣וֹת חָ֭רוּץ אַךְ לְמוֹתָ֑ר וְכָל אָ֝֗ץ אַךְ לְמַחְסוֹר 6 פֹּ֣עַל אֹ֭צָרוֹת בִּלְשׁ֣וֹן שָׁ֑קֶר הֶ֥בֶל נִ֝דָּ֗ף מְבַקְשֵׁי מָוֶת 7 שֹׁד רְשָׁעִ֥ים יְגוֹרֵ֑ם כִּ֥י מֵ֝אֲנ֗וּ לַעֲשׂ֥וֹת מִשְׁפָּט 8 הֲפַכְפַּ֬ךְ דֶּ֣רֶךְ אִ֣ישׁ וָזָ֑ר וְ֝זַ֗ךְ יָשָׁ֥ר פָּעֳלוֹ 9 ט֗וֹב לָשֶׁ֥בֶת עַל פִּנַּת גָּ֑ג מֵאֵ֥שֶׁת מִ֝דְיָנִ֗ים וּבֵ֥ית חָבֶר 10 נֶ֣פֶשׁ רָ֭שָׁע אִוְּתָה רָ֑ע לֹא יֻחַ֖ן בְּעֵינָ֣יו רֵעֵהוּ 11 בַּעֲנָשׁ לֵ֭ץ יֶחְכַּם פֶּ֑תִי וּבְהַשְׂכִּ֥יל לְ֝חָכָ֗ם יִקַּח דָּעַת 12 מַשְׂכִּ֣יל צַ֭דִּיק לְבֵ֣ית רָשָׁ֑ע מְסַלֵּ֖ף רְשָׁעִ֣ים לָרָע 13 אֹטֵ֣ם אָ֭זְנוֹ מִזַּעֲקַת דָּ֑ל גַּם ה֥וּא יִ֝קְרָ֗א וְלֹ֣א יֵעָנֶה 14 מַתָּ֣ן בַּ֭סֵּתֶר יִכְפֶּה אָ֑ף וְשֹׁ֥חַד בַּ֝חֵ֗ק חֵמָ֥ה עַזָּה 15 שִׂמְחָ֣ה לַ֭צַּדִּיק עֲשׂ֣וֹת מִשְׁפָּ֑ט וּ֝מְחִתָּ֗ה לְפֹ֣עֲלֵי אָוֶן 16 אָדָ֗ם תּ֭וֹעֶה מִדֶּ֣רֶךְ הַשְׂכֵּ֑ל בִּקְהַ֖ל רְפָאִ֣ים יָנוּחַ 17 אִ֣ישׁ מַ֭חְסוֹר אֹהֵ֣ב שִׂמְחָ֑ה אֹהֵ֥ב יַיִן וָ֝שֶׁ֗מֶן לֹ֣א יַעֲשִׁיר 18 כֹּ֣פֶר לַצַּדִּ֣יק רָשָׁ֑ע וְתַ֖חַת יְשָׁרִ֣ים בּוֹגֵד 19 ט֗וֹב שֶׁ֥בֶת בְּאֶרֶץ מִדְבָּ֑ר מֵאֵ֖שֶׁת מְדוֹנִים וָכָעַס 20 אוֹצָ֤ר נֶחְמָ֣ד יִשְׁכֹּן בִּנְוֵ֣ה חָכָ֑ם וּכְסִ֖יל אָדָ֣ם יְבַלְּעֶנּוּ 21 רֹ֭דֵף צְדָקָ֣ה וָחָ֑סֶד יִמְצָ֥א חַ֝יִּ֗ים צְדָקָ֥ה וְכָבוֹד 22 עִ֣יר גִּ֭בֹּרִים עָלָ֣ה חָכָ֑ם וַ֝יֹּ֗רֶד עֹ֣ז מִבְטֶחָה 23 שֹׁמֵ֣ר פִּ֭יו וּלְשׁוֹנ֑וֹ שֹׁמֵ֖ר מִצָּר֣וֹת נַפְשׁוֹ 24 זֵ֣ד יָ֭הִיר לֵ֣ץ שְׁמ֑וֹ ע֝וֹשֶׂ֗ה בְּעֶבְרַ֥ת זָדוֹן 25 תַּאֲוַ֣ת עָצֵ֣ל תְּמִיתֶ֑נּוּ כִּי מֵאֲנ֖וּ יָדָ֣יו לַעֲשׂוֹת 26 כָּל הַ֭יּוֹם הִתְאַוָּ֣ה תַאֲוָ֑ה וְצַדִּ֥יק יִ֝תֵּ֗ן וְלֹ֣א יַחְשֹׂךְ 27 זֶ֣בַח רְ֭שָׁעִים תּוֹעֵבָ֑ה אַ֝֗ף כִּי בְזִמָּ֥ה יְבִיאֶנּוּ 28 עֵד כְּזָבִ֥ים יֹאבֵ֑ד וְאִ֥ישׁ שׁ֝וֹמֵ֗עַ לָנֶ֥צַח יְדַבֵּר 29 הֵעֵ֬ז אִ֣ישׁ רָשָׁ֣ע בְּפָנָ֑יו וְ֝יָשָׁ֗ר ה֤וּא יָכִין דְּרָכָיו 30 אֵ֣ין חָ֭כְמָה וְאֵ֣ין תְּבוּנָ֑ה וְאֵ֥ין עֵ֝צָ֗ה לְנֶ֣גֶד יַהְוֶה 31 ס֗וּס מ֭וּכָן לְי֣וֹם מִלְחָמָ֑ה וּלְיַהְוֶה הַתְּשׁוּעָה