Matched Mismatch Not in MapM
172 words: 160 matched, 12 mismatch, 0 missing
1 וַיַּ֥עַן אִיּ֗וֹב וַיֹּאמַר 2 שָׁמַ֣עְתִּי כְאֵ֣לֶּה רַבּ֑וֹת מְנַחֲמֵ֖י עָמָ֣ל כֻּלְּכֶם 3 הֲקֵ֥ץ לְדִבְרֵי ר֑וּחַ א֥וֹ מַה יַּ֝מְרִיצְךָ כִּ֣י תַעֲנֶה 4 גַּ֤ם אָנֹכִי֮ כָּכֶ֢ם אֲדַ֫בֵּ֥רָה ל֤וּ יֵ֪שׁ נַפְשְׁכֶ֡ם תַּ֤חַת נַפְשִׁ֗י אַחְבִּ֣ירָה עֲלֵיכֶ֣ם בְּמִלִּ֑ים וְאָנִ֥יעָה עֲ֝לֵיכֶ֗ם בְּמ֣וֹ רֹאשִׁי 5 אֲאַמִּצְכֶ֥ם בְּמוֹ פִ֑י וְנִ֖יד שְׂפָתַ֣י אֶחְשֹׂךְ 6 אִם אֲ֭דַבְּרָה לֹא יֵחָשֵׂ֣ךְ כְּאֵבִ֑י וְ֝אַחְדְּלָ֗ה מַה מִּנִּ֥י יַהֲלֹךְ 7 אַךְ עַתָּ֥ה הֶלְאָ֑נִי הֲ֝שִׁמּ֗וֹתָ כָּל עֲדָתִי 8 וַתִּ֭קְמְטֵנִי לְעֵ֣ד הָיָ֑ה וַיָּ֥קָם בִּ֥י כַ֝חֲשִׁ֗י בְּפָנַ֥י יַעֲנֶה 9 אַפּ֤וֹ טָרַ֨ף וַיִּשְׂטְמֵנִ֗י חָרַ֣ק עָלַ֣י בְּשִׁנָּ֑יו צָרִ֓י יִלְטֹ֖שׁ עֵינָ֣יו לִי 10 פָּעֲר֬וּ עָלַ֨י בְּפִיהֶ֗ם בְּ֭חֶרְפָּה הִכּ֣וּ לְחָיָ֑י יַ֝֗חַד עָלַ֥י יִתְמַלָּאוּן 11 יַסְגִּירֵ֣נִי אֵ֭ל אֶ֣ל עַוָּל וְעַל יְדֵ֖י רְשָׁעִ֣ים יִרְטֵנִי 12 שָׁ֘לֵ֤ו הָיִ֨יתִי וַיְפַרְפְּרֵנִ֗י וְאָחַ֣ז בְּ֭עָרְפִּי וַיְפַצְפְּצֵנִ֑י וַיְקִימֵ֥נִי ל֝֗וֹ לְמַטָּרָה 13 יָ֘סֹ֤בּוּ עָלַ֨י רְבָיָו יְפַלַּ֣ח כִּ֭לְיוֹתַי וְלֹ֣א יַחְמֹ֑ל יִשְׁפֹּ֥ךְ לָ֝אָ֗רֶץ מְרֵרָתִי 14 יִפְרְצֵ֣נִי פֶ֭רֶץ עַל פְּנֵי פָ֑רֶץ יָרֻ֖ץ עָלַ֣י כְּגִבּוֹר 15 שַׂ֣ק תָּ֭פַרְתִּי עֲלֵ֣י גִלְדִּ֑י וְעֹלַ֖לְתִּי בֶעָפָ֣ר קַרְנִי 16 פָּנַ֣י חֳמַרְמְרָה מִנִּי בֶכִי וְעַל עַפְעַפַּי צַלְמָוֶת 17 עַ֭ל לֹא חָמָ֣ס בְּכַפָּ֑י וּתְפִלָּתִי֥ זַכָּה 18 אֶ֭רֶץ אַל תְּכַסִּ֣י דָמִ֑י וְאַל יְהִ֥י מָ֝ק֗וֹם לְזַעֲקָתִי 19 גַּם עַ֭תָּה הִנֵּה בַשָּׁמַ֣יִם עֵדִ֑י וְ֝שָׂהֲדִ֗י בַּמְּרוֹמִים 20 מְלִיצִי רֵעִי אֶל אֱ֝ל֗וֹהַּ דָּלְפָ֥ה עֵינִי 21 וְיוֹכַ֣ח לְגֶ֣בֶר עִם אֱל֑וֹהַּ וּבֶן אָדָ֥ם לְרֵעֵהוּ 22 כִּי שְׁנ֣וֹת מִסְפָּ֣ר יֶאֱתָ֑יוּ וְאֹ֖רַח לֹא אָשׁ֣וּב אֶהֱלֹךְ