Matched Mismatch Not in MapM
240 words: 233 matched, 7 mismatch, 0 missing
1 וַיֹּ֥סֶף אֱלִיה֗וּא וַיֹּאמַר 2 כַּתַּר לִ֣י זְ֭עֵיר וַאֲחַוֶּ֑ךָּ כִּ֤י ע֖וֹד לֶאֱל֣וֹהַּ מִלִּים 3 אֶשָּׂ֣א דֵ֭עִי לְמֵרָח֑וֹק וּ֝לְפֹעֲלִ֗י אֶתֵּן צֶדֶק 4 כִּי אָ֭מְנָם לֹא שֶׁ֣קֶר מִלָּ֑י תְּמִ֖ים דֵּע֣וֹת עִמָּךְ 5 הֶן אֵ֣ל כַּ֭בִּיר וְלֹ֣א יִמָּאֵס כַּ֝בִּ֗יר כֹּ֣חַ לֵב 6 לֹא יְחַיֶּ֥ה רָשָׁ֑ע וּמִשְׁפַּ֖ט עֲנִיִּ֣ים יִתֵּן 7 לֹא יִגְרַ֥ע מִצַּדִּ֗יק עֵ֫ינָ֥יו וְאֶת מְלָכִ֥ים לַכִּסֵּ֑א וַיֹּשִׁיבֵ֥ם לָ֝נֶ֗צַח וַיִּגְבָּהוּ 8 וְאִם אֲסוּרִ֥ים בַּזִּקִּ֑ים יִ֝לָּכְד֗וּן בְּחַבְלֵי עֹנִי 9 וַיַּגֵּ֣ד לָהֶ֣ם פָּעֳלָ֑ם וּ֝פִשְׁעֵיהֶ֗ם כִּ֣י יִתְגַּבָּרוּ 10 וַיִּ֣גֶל אָ֭זְנָם לַמּוּסָ֑ר וַ֝יֹּ֗אמֶר כִּי יְשׁוּב֥וּן מֵאָוֶן 11 אִם יִשְׁמְע֗וּ וְיַעֲ֫בֹד֥וּ יְכַלּ֣וּ יְמֵיהֶ֣ם בַּטּ֑וֹב וּ֝שְׁנֵיהֶ֗ם בַּנְּעִימִים 12 וְאִם לֹ֣א יִ֭שְׁמְעוּ בְּשֶׁ֣לַח יַעֲבֹ֑רוּ וְ֝יִגְוְע֗וּ כִּבְלִי דָעַת 13 וְחַנְפֵי לֵ֭ב יָשִׂ֣ימוּ אָ֑ף לֹ֥א יְ֝שַׁוְּע֗וּ כִּ֣י אֲסָרָם 14 תָּמֹ֣ת בַּנֹּ֣עַר נַפְשָׁ֑ם וְ֝חַיָּתָ֗ם בַּקְּדֹשִׁים 15 יְחַלֵּ֣ץ עָנִ֣י בְעָנְי֑וֹ וְיִ֖גֶל בַּלַּ֣חַץ אָזְנָם 16 וְאַ֤ף הֲסִיתְךָ מִפִּי צָ֗ר רַ֭חַב לֹא מוּצָ֣ק תַּחְתֶּ֑יהָ וְנַ֥חַת שֻׁ֝לְחָנְךָ֗ מָ֣לֵא דָשֶׁן 17 וְדִין רָשָׁ֥ע מָלֵ֑אתָ דִּ֖ין וּמִשְׁפָּ֣ט יִתְמֹכוּ 18 כִּי חֲמֵה פֶּן יְסִיתְךָ בְסָ֑פֶק וְרָב כֹּ֝֗פֶר אַל יַטֶּךָּ 19 הֲיַעֲרֹ֣ךְ שׁ֭וּעֲךָ לָא בְצָ֑ר וְ֝כֹ֗ל מַאֲמַצֵּי כֹחַ 20 אַל תִּשְׁאַ֥ף הַלָּ֑יְלָה לַעֲל֖וֹת עַמִּ֣ים תַּחְתָּם 21 הִ֭שָּׁמֶר אַל תֵּ֣פֶן אֶל אָ֑וֶן כִּי עַל זֶ֝֗ה בָּחַ֥רְתָּ מֵעֹנִי 22 הֶן אֵ֭ל יַשְׂגִּ֣יב בְּכֹח֑וֹ מִ֖י כָמֹ֣הוּ מוֹרֶה 23 מִי פָקַ֣ד עָלָ֣יו דַּרְכּ֑וֹ וּמִי אָ֝מַ֗ר פָּעַ֥לְתָּ עַוְלָה 24 זְ֭כֹר כִּי תַשְׂגִּ֣יא פָעֳל֑וֹ אֲשֶׁ֖ר שֹׁרְר֣וּ אֲנָשִׁים 25 כָּל אָדָ֥ם חָזוּ ב֑וֹ אֱ֝נ֗וֹשׁ יַבִּ֥יט מֵרָחוֹק 26 הֶן אֵ֣ל שַׂ֭גִּיא וְלֹ֣א נֵדָ֑ע מִסְפַּ֖ר שָׁנָ֣יו וְלֹא חֵקֶר 27 כִּ֭י יְגָרַ֣ע נִטְפֵי מָ֑יִם יָזֹ֖קּוּ מָטָ֣ר לְאֵדוֹ 28 אֲשֶׁר יִזְּל֥וּ שְׁחָקִ֑ים יִ֝רְעֲפ֗וּ עֲלֵ֤י אָדָ֬ם רָב 29 אַ֣ף אִם יָ֭בִין מִפְרְשֵׂי עָ֑ב תְּ֝שֻׁא֗וֹת סֻכָּתוֹ 30 הֵן פָּרַ֣שׂ עָלָ֣יו אוֹר֑וֹ וְשָׁרְשֵׁ֖י הַיָּ֣ם כִּסָּה 31 כִּי בָ֭ם יָדִ֣ין עַמִּ֑ים יִתֶּן אֹ֥כֶל לְמַכְבִּיר 32 עַל כַּפַּ֥יִם כִּסָּה א֑וֹר וַיְצַ֖ו עָלֶ֣יהָ בְמַפְגִּיעַ 33 יַגִּ֣יד עָלָ֣יו רֵע֑וֹ מְקַנֵּה אַ֣ף עַל עַוְלָה