Matched Mismatch Not in MapM
116 words: 113 matched, 3 mismatch, 0 missing
1 וַיַּ֥עַן אֱלִיה֗וּ וַיֹּאמַר 2 הֲ֭זֹאת חָשַׁ֣בְתָּ לְמִשְׁפָּ֑ט אָ֝מַ֗רְתָּ צִדְקִ֥י מֵאֵל 3 כִּי תֹ֭אמַר מַה יִּסְכָּן לָ֑ךְ מָה אֹ֝עִ֗יל מֵחַטָּאתִי 4 אֲ֭נִי אֲשִׁיבְךָ מִלִּ֑ין וְאֶת רֵעֶ֥יךָ עִמָּךְ 5 הַבֵּ֣ט שָׁמַ֣יִם וּרְאֵ֑ה וְשׁ֥וּר שְׁ֝חָקִ֗ים גָּבְה֥וּ מִמֶּךָּ 6 אִם חָ֭טָאתָ מַה תִּפְעָל בּ֑וֹ וְרַבּ֥וּ פְ֝שָׁעֶ֗יךָ מַה תַּעֲשֶׂה לּוֹ 7 אִם צָ֭דַקְתָּ מַה תִּתֶּן ל֑וֹ א֥וֹ מַה מִיָּדְךָ יִקָּח 8 לְאִישׁ כָּמ֥וֹךָ רִשְׁעֶ֑ךָ וּלְבֶן אָ֝דָ֗ם צִדְקָתֶךָ 9 מֵ֭רֹב עֲשׁוּקִ֣ים יַזְעִ֑יקוּ יְשַׁוְּע֖וּ מִזְּר֣וֹעַ רַבִּים 10 וְלָא אָמַ֗ר אַ֭יֵּה אֱל֣וֹהַּ עֹשָׂ֑י נֹתֵ֖ן זְמִר֣וֹת בַּלָּיְלָה 11 מַ֭לְּפֵנוּ מִבַּהֲמ֣וֹת אָ֑רֶץ וּמֵע֖וֹף הַשָּׁמַ֣יִם יְחַכְּמֵנוּ 12 שָׁ֣ם יִ֭צְעֲקוּ וְלֹ֣א יַעֲנֶ֑ה מִ֝פְּנֵ֗י גְּא֣וֹן רָעִים 13 אַךְ שָׁ֭וְא לֹא יִשְׁמַ֥ע אֵ֑ל וְ֝שַׁדַּ֗י לֹ֣א יְשׁוּרֶנָּה 14 אַ֣ף כִּי תֹ֭אמַר לֹ֣א תְשׁוּרֶ֑נּוּ דִּ֥ין לְ֝פָנָ֗יו וּתְח֥וֹלֵל לוֹ 15 וְעַתָּ֗ה כִּי אַ֭יִן פָּקַ֣ד אַפּ֑וֹ וְלֹא יָדַ֖ע בַּפֶּשַׁע מְאֹד 16 וְ֭אִיּוֹב הֶ֣בֶל יִפְצֶה פִּ֑יהוּ בִּבְלִי דַ֝֗עַת מִלִּ֥ין יַכְבִּר