Matched Mismatch Not in MapM
220 words: 200 matched, 20 mismatch, 0 missing
1 וַיַּ֥עַן אִיּ֗וֹב וַיֹּאמַר 2 ל֗וּ שָׁק֣וֹל יִשָּׁקֵ֣ל כַּעְשִׂ֑י וְהַוָּתִי בְּמֹאזְנַיִם יִשְׂאוּ יָחַד 3 כִּי עַתָּ֗ה מֵח֣וֹל יַמִּ֣ים יִכְבָּ֑ד עַל כֵּ֝֗ן דְּבָרַ֥י לָעוּ 4 כִּ֤י חִצֵּ֪י שַׁדַּ֡י עִמָּדִ֗י אֲשֶׁ֣ר חֲ֭מָתָם שֹׁתָ֣ה רוּחִ֑י בִּעוּתֵ֖י אֱל֣וֹהַּ יַעַרְכוּנִי 5 הֲיִנְהַק פֶּ֥רֶא עֲלֵי דֶ֑שֶׁא אִ֥ם יִגְעֶה שּׁ֝֗וֹר עַל בְּלִילוֹ 6 הֲיֵאָכֵ֣ל תָּ֭פֵל מִבְּלִי מֶ֑לַח אִם יֶשׁ טַ֝֗עַם בְּרִ֣יר חַלָּמוּת 7 מֵאֲנָ֣ה לִנְגּ֣וֹעַ נַפְשִׁ֑י הֹמֶה כִּדְוַי לְחֻמִי 8 מִי יִ֭תֵּן תָּב֣וֹא שֶׁאֱלָתִ֑י וְ֝תִקְוָתִ֗י יִתֵּ֥ן אֱלוֹהַּ 9 וְיֹאֵ֣ל אֱ֭לוֹהַּ וִידַכְּאֵ֑נִי יַתֵּ֥ר יָ֝ד֗וֹ וִיבַצְּעֵנִי 10 וּ֥תְהִי ע֨וֹד נֶ֘חָ֤מָתִ֗י וַאֲסַלְּדָ֣ה בְ֭חִילָה לֻא יַחְמ֑וֹל כִּי לֹ֥א כִ֝חַ֗דְתִּי אִמְרֵ֥י קָדוֹשׁ 11 מַה כֹּחִ֥י כִי אֲיַחֵ֑ל וּמַה קִּ֝צִּ֗י כִּי אַאֲרִ֥יךְ נַפְשִׁי 12 אִם כֹּ֣חַ אֲבָנִ֣ים כֹּחִ֑י אִם בְּשָׂרִ֥י נְחוּשָׁה 13 אִם אֵ֣ין עֶזְרָתִ֣י בוֹ וְ֝תֻשִׁיָּ֗ה נִדְּחָ֥ה מִמֶּנִּי 14 לַמָּ֣ס מֵרֵעֵ֣הוּ חָ֑סֶד וְיִרְאַ֖ת שַׁדַּ֣י יַעֲזוֹב 15 אַ֭חַי בָּגְד֣וּ כְמוֹ נָ֑חַל כַּאֲפִ֖יק נְחָלִ֣ים יַעֲבֹרוּ 16 הַקֹּדְרִ֥ים מִנִּי קָ֑רַח עָ֝לֵ֗ימוֹ יִתְעַלֶּם שָׁלֶג 17 בְּעֵ֣ת יְזֹרְב֣וּ נִצְמָ֑תוּ בְּ֝חֻמּ֗וֹ נִדְעֲכ֥וּ מִמְּקוֹמָם 18 יִ֭לָּ֣פְתוּ אָרְח֣וֹת דַּרְכָּ֑ם יַעֲל֖וּ בַתֹּ֣הוּ וְיֹאבֵדוּ 19 הִ֭בִּיטוּ אָרְח֣וֹת תֵּמָ֑א הֲלִיכֹ֥ת שְׁ֝בָ֗א קִוּוּ לָמוֹ 20 בֹּ֥שׁוּ כִּי בָטֹחַ בָּ֥אוּ עָ֝דֶ֗יהָ וַיֶּחְפָּרוּ 21 כִּי עַ֭תָּה הֱיִ֣יתֶם לֹ֑א תִּרְאוּ֥ חֲ֝תַ֗ת וַתִּירָאוּ 22 הֲכִי אָ֭מַרְתִּי הָ֣בוּ לִ֑י וּ֝מִכֹּחֲכֶ֗ם שִׁחֲד֥וּ בַעֲדִי 23 וּמַלְּט֥וּנִי מִיַּד צָ֑ר וּמִיַּ֖ד עָרִיצִ֣ים תִּפְדּוּנִי 24 ה֭וֹרוּנִי וַאֲנִ֣י אַחֲרִ֑ישׁ וּמַה שָּׁ֝גִ֗יתִי הָבִ֥ינוּ לִי 25 מַה נִּמְרְצ֥וּ אִמְרֵי יֹ֑שֶׁר וּמַה יּוֹכִ֖יחַ הוֹכֵ֣חַ מִכֶּם 26 הַלְהוֹכַ֣ח מִלִּ֣ים תַּחְשֹׁ֑בוּ וְלָרוּחַ אִמְרֵ֥י נוֹאָשׁ 27 אַף עַל יָת֥וֹם תַּפִּ֑ילוּ וְ֝תִכְר֗וּ עַל רֵיעֲכֶם 28 וְ֭עַתָּה הוֹאִ֣ילוּ פְנוּ בִ֑י וְעַל פְּ֝נֵיכֶ֗ם אִם אֲכַזֵּב 29 שֻׁבוּ נָ֭א אַל תְּהִ֣י עַוְלָ֑ה וְשֻׁבוּ עוֹד צִדְקִי בָהּ 30 הֲיֵשׁ בִּלְשׁוֹנִ֥י עַוְלָ֑ה אִם חִ֝כִּ֗י לֹא יָבִ֥ין הַוּוֹת