Matched Mismatch Not in MapM
188 words: 180 matched, 8 mismatch, 0 missing
1 אַף לְ֭זֹאת יֶחֱרַ֣ד לִבִּ֑י וְ֝יִתַּ֗ר מִמְּקוֹמוֹ 2 שִׁמְע֤וּ שָׁמ֣וֹעַ בְּרֹ֣גֶז קֹל֑וֹ וְ֝הֶ֗גֶה מִפִּ֥יו יֵצֵא 3 תַּחַת כָּל הַשָּׁמַ֥יִם יִשְׁרֵ֑הוּ וְ֝אוֹר֗וֹ עַל כַּנְפ֥וֹת הָאָרֶץ 4 אַחֲרָ֤יו יִשְׁאַג ק֗וֹל יַ֭רְעֵם בְּק֣וֹל גְּאוֹנ֑וֹ וְלֹ֥א יְ֝עַקְּבֵ֗ם כִּי יִשָּׁמַ֥ע קוֹלוֹ 5 יַרְעֵ֤ם אֵ֣ל בְּ֭קוֹלוֹ נִפְלָא֑וֹת עֹשֶׂ֥ה גְ֝דֹל֗וֹת וְלֹ֣א נֵדָע 6 כִּ֤י לַשֶּׁ֨לֶג יֹאמַ֗ר הֱוֵ֫א אָ֥רֶץ וְגֶ֥שֶׁם מָטָ֑ר וְ֝גֶ֗שֶׁם מִטְר֥וֹת עֻזּוּ 7 בְּיַד כָּל אָדָ֥ם יַחְתּ֑וֹם לָ֝דַ֗עַת כָּל אֱנוֹשׁ מַעֲשֵׂהוּ 8 וַתָּב֣וֹא חַיָּ֣ה בְמוֹ אָ֑רֶב וּבִמְע֖וֹנֹתֶ֣יהָ תִשְׁכֹּן 9 מִן הַ֭חֶדֶר תָּב֣וֹא סוּפָ֑ה וּמִמְּזָרִי֥ם קָרָה 10 מִנִּשְׁמַת אֵ֥ל יִתֶּן קָ֑רַח וְרֹ֖חַב מַ֣יִם בְּמוּצָק 11 אַף בְּ֭רִי יַטְרִ֣יחַ עָ֑ב יָ֝פִ֗יץ עֲנַ֣ן אוֹרוֹ 12 וְה֤וּא מְסִבּ֨וֹת מִתְהַפֵּ֣ךְ בְּתַחְבּוּלֹתָ֣ו לְפָעֳלָ֑ם כֹּ֖ל אֲשֶׁ֥ר יְצַוֵּ֓ם עַל פְּנֵ֖י תֵבֵ֣ל אָרְצָה 13 אִם לְשֵׁ֥בֶט אִם לְאַרְצ֑וֹ אִם לְ֝חֶ֗סֶד יַמְצִאֵהוּ 14 הַאֲזִ֣ינָה זֹּ֣את אִיּ֑וֹב עֲ֝מֹ֗ד וְהִתְבּוֹנֵ֤ן נִפְלְא֬וֹת אֵל 15 הֲ֭תֵדַע בְּשׂוּם אֱל֣וֹהַּ פְּעָלָיו וְהוֹפִיעַ א֣וֹר עֲנָנוֹ 16 הֲ֭תֵדַע עַל מִפְרְשֵׁי עָ֑ב מִ֝פְלְא֗וֹת תְּמִ֣ים דֵּעִים 17 אֲשֶׁר בְּגָדֶ֥יךָ חַמִּ֑ים בְּהַשְׁקִ֥ט אֶ֝֗רֶץ מִדָּרוֹם 18 תַּרְקִ֣יעַ עִ֭מּוֹ לִשְׁחָקִ֑ים חֲ֝זָקִ֗ים כִּרְאִ֥י מוּצָק 19 ה֭וֹדִיעֵנוּ מַה נֹּ֣אמַר ל֑וֹ לֹא נַ֝עֲרֹ֗ךְ מִפְּנֵי חֹשֶׁךְ 20 הַיְסֻפַּר ל֭וֹ כִּ֣י אֲדַבֵּ֑ר אִם אָ֥מַר אִ֝֗ישׁ כִּ֣י יְבַלֵּע 21 וְעַתָּ֤ה לֹ֘א רָ֤אוּ א֗וֹר בָּהִ֣יר ה֭וּא בַּשְּׁחָקִ֑ים וְר֥וּחַ עָ֝בְרָ֗ה וַתְּטַהֲרֵם 22 מִ֭צָּפוֹן זָהָ֣ב יֶאֱתֶ֑ה עַל אֱ֝ל֗וֹהַּ נ֣וֹרָא הוֹד 23 שַׁדַּ֣י לֹא מְ֭צָאנֻהוּ שַׂגִּיא כֹ֑חַ וּמִשְׁפָּ֥ט וְרֹב צְ֝דָקָ֗ה לֹ֣א יְעַנֶּה 24 לָ֭כֵן יְרֵא֣וּהוּ אֲנָשִׁ֑ים לָא יִרְאֻהוּ כָּל חַכְמֵי לֵב