Matched Mismatch Not in MapM
112 words: 105 matched, 7 mismatch, 0 missing
1 רוּחִ֣י חֻ֭בָּלָה יָמַ֥י נִזְעָ֗כוּ קְבָרִ֥ים לִי 2 אִם לֹ֣א הֲ֭תֻלִים עִמָּדִ֑י וּ֝בְהַמְּרוֹתָ֗ם תָּלַ֥ן עֵינִי 3 שִׂימָה נָּ֭א עָרְבֵ֣נִי עִמָּ֑ךְ מִ֥י ה֝֗וּא לְיָדִ֥י יִתָּקֵעַ 4 כִּי לִ֭בָּם צָפַ֣נְתָּ מִּשָּׂכֶל עַל כֵּ֝֗ן לֹ֣א תְרִמֵם 5 לְ֭חֵלֶק יַגִּ֣יד רָעִים וְעֵינֵ֖י בָנָ֣יו תִּכְלֶנָה 6 וְהִ֭צִּיגַנִי לִמְשַׁל עַמִּ֑ים וְתֹ֖פֶת לְפָנִ֣ים אֶהְיֶה 7 וַתֵּ֣כַהּ מִכַּ֣עַשׂ עֵינִ֑י וִיצֻרַ֖י כַּצֵּ֣ל כֻּלָּם 8 יָשֹׁ֣מּוּ יְשָׁרִ֣ים עַל זֹ֑את וְ֝נָקִ֗י עַל חָנֵ֥ף יִתְעֹרָר 9 וְיֹאחֵ֣ז צַדִּ֣יק דַּרְכּ֑וֹ וּטֳהָר יָ֝דַ֗יִם יֹסִ֥יף אֹמֶץ 10 וְאוּלָם֗ כֻּלָּ֣ם תָּ֭שֻׁבוּ וּבֹ֣אוּ נָ֑א וְלֹא אֶמְצָ֖א בָכֶ֣ם חָכָם 11 יָמַ֣י עָ֭בְרוּ זִמֹּתַ֣י נִתְּק֑וּ מ֖וֹרָשֵׁ֣י לְבָבִי 12 לַ֭יְלָה לְי֣וֹם יָשִׂ֑ימוּ א֝֗וֹר קָר֥וֹב מִפְּנֵי חֹשֶׁךְ 13 אִם אֲ֭קַוֶּה שְׁא֣וֹל בֵּיתִ֑י בַּ֝חֹ֗שֶׁךְ רִפַּ֥דְתִּי יְצוּעָי 14 לַשַּׁ֣חַת קָ֭רָאתִי אָ֣בִי אָ֑תָּה אִמִּ֥י וַ֝אֲחֹתִ֗י לָרִמָּה 15 וְ֭אַיֵּה אֵפ֣וֹ תִקְוָתִ֑י וְ֝תִקְוָתִ֗י מִ֣י יְשׁוּרֶנָּה 16 הַעִמָּדִי שְׁאֹ֣ל תֵּרַ֑דְנָה אִם יַ֖חַד עַל עָפָ֣ר נֵחָת