Matched Mismatch Not in MapM
162 words: 140 matched, 22 mismatch, 0 missing
1 לָמָּה יַהְוֶה תַּעֲמֹד֣ מֵרָחוֹק תַּ֝עְלִ֗ים לְעִתּ֥וֹת בַּצָּרָה 2 בְּגַאֲוַ֣ת רָ֭שָׁע יִדְלַ֣ק עָנִ֑י יִתָּפְשׂוּ֓ בִּמְזִמּ֖וֹת ז֣וּ חָשָׁבוּ 3 כִּי מְהֻלָּל רָ֭שָׁע עַל תַּאֲוַ֣ת נַפְשׁ֑וֹ וּבֹצֵ֥עַ מְבֹרָךְ נִ֘אֵ֥ץ יַהְוֶה 4 רָשָׁ֗ע כְּגֹ֣בַהּ אַ֭פּוֹ בַּל יִדְרֹ֑שׁ אֵ֥ין אֱ֝לֹהִ֗ים כָּל מְזִמּוֹתָיו 5 יָ֘חִ֤ילוּ דְּרָכָו בְּכָל עֵ֗ת סָרוּ מִ֭שְׁפָּטֶיךָ מִנֶּגְדּ֑וֹ כָּל צ֝וֹרְרָ֗יו יָפִ֥יחַ בָּהֶם 6 אָמַ֣ר בְּ֭לִבּוֹ בַּל אֶמּ֑וֹט לְדֹ֥ר וָ֝דֹ֗ר אֲשֶׁ֣ר לֹא בְרָע 7 פִּיהוּ אָלָה מָ֭לֵא וּמִרְמ֣וֹת וָתֹ֑ךְ תַּ֥חַת לְ֝שׁוֹנ֗וֹ עָמָ֥ל וָאָוֶן 8 יֵשֵׁ֤ב בְּמַאְרַ֬ב חֲצִרִים בַּמִּ֭סְתָּרִים יַהֲרֹ֣ג נָקִ֑י עֵ֝ינָ֗יו לְחֵלְכָה֥ יִצְפָּיוּ 9 יֶאֱרֹ֬ב בַּמִּסְתָּ֨ר כְּאַרְיֵ֬ה בְסֻכֹּ֗ה יֶ֭אֱרֹב לַחֲט֣וֹף עָנִ֑י יַחְטֹ֥ף עָ֝נִ֗י בְּמָשְׁכ֥וֹ בְרִשְׁתּוֹ 10 יִדָּכֶה יָשֹׁחַ וְנָפַל בַּעֲצוּמָיו חֶלְכָּאִים 11 אָמַ֣ר בְּ֭לִבּוֹ שָׁ֣כַח אֵ֑ל הִסְתִּ֥יר פָּ֝נָ֗יו בַּל רָאָ֥ה לָנֶצַח 12 קוּמָ֤ה יַהְוֶה אֵ֭ל נְשָׂ֣א יָדֶ֑ךָ אַל תִּשְׁכַּ֥ח עֲנִיִּים 13 עַל מֶ֤ה נִאֵ֖ץ רָשָׁ֥ע אֱלֹהִ֑ים אָמַ֥ר בְּ֝לִבּ֗וֹ לֹ֣א תִדְרֹשׁ 14 רָאִ֡תָה כִּי אַתָּ֤ה עָ֘מָ֤ל וָכַ֨עַס תַּבִּיט֮ לָתֵ֢ת בְּיָ֫דֶ֥ךָ עָ֭לֶיךָ יַעֲזֹ֣ב חֵלֶכָה יָ֝ת֗וֹם אַתָּ֤ה הָיִ֬יתָ עוֹזֵר 15 שְׁ֭בֹר זְר֣וֹעַ רָשָׁ֑ע וָ֝רָ֗ע תִּדְרוֹשׁ רִשְׁע֥וֹ בַל תִּמְצָא 16 יַהְוֶה מֶ֭לֶךְ עוֹלָ֣ם וָעֶ֑ד אָבְד֥וּ ג֝וֹיִ֗ם מֵאַרְצוֹ 17 תַּאֲוַ֬ת עֲנָוִ֣ים שָׁמַ֣עְתָּ יַהְוֶה תָּכִ֥ין לִ֝בָּ֗ם תַּקְשִׁ֥יב אָזְנֶךָ 18 לִשְׁפֹּ֥ט יָת֗וֹם וָ֫דָ֥ךְ בַּל יוֹסִ֥יף ע֑וֹד לַעֲרֹ֥ץ אֱ֝נ֗וֹשׁ מִן הָאָרֶץ