Matched Mismatch Not in MapM
112 words: 107 matched, 5 mismatch, 0 missing
1 יֹ֭שֵׁב בְּסֵ֣תֶר עֶלְי֑וֹן בְּצֵ֥ל שַׁ֝דַּ֗י יִתְלוֹנָן 2 יֹאמַר לְיַהְוֶה מַחְסִ֣י וּמְצוּדָתִ֑י אֱ֝לֹהַ֗י אֶבְטַח בּוֹ 3 כִּ֤י ה֣וּא יַ֭צִּילְךָ מִפַּ֥ח יָק֗וּשׁ מִדְּבַר הַוּוֹת 4 בְּאֶבְרֹתָו יָ֣סֶךְ לָ֭ךְ וְתַחַת כְּנָפָ֣יו תֶּחְסֶ֑ה צִנָּ֖ה וְסֹחֵרָ֣ה אֲמִתּוֹ 5 לֹא תִ֭ירָא מִפַּ֣חַד לָ֑יְלָה מֵ֝חֵ֗ץ יָע֥וּף יוֹמָם 6 מִ֭דֶּבֶר בָּאֹ֣פֶל יַהֲלֹ֑ךְ מִ֝קֶּ֗טֶב יָשׁ֥וּד צָהֳרָיִם 7 יִפֹּ֤ל מִצִּדְּךָ֨ אֶ֗לֶף וּרְבָבָ֥ה מִימִינֶ֑ךָ אֵ֝לֶ֗יךָ לֹ֣א יִגָּשׁ 8 רַ֭ק בְּעֵינֶ֣יךָ תַבִּ֑יט וְשִׁלֻּמַ֖ת רְשָׁעִ֣ים תִּרְאֶה 9 כִּי אַתָּ֣ה יַהְוֶה מַחְסִ֑י עֶ֝לְי֗וֹן שַׂ֣מְתָּ מְעוֹנֶךָ 10 לֹא תְאֻנֶּ֣ה אֵלֶ֣יךָ רָעָ֑ה וְ֝נֶ֗גַע לֹא יִקְרַ֥ב בְּאָהֳלֶךָ 11 כִּ֣י מַ֭לְאָכָיו יְצַוֶּה לָּ֑ךְ לִ֝שְׁמָרְךָ֗ בְּכָל דְּרָכֶיךָ 12 עַל כַּפַּ֥יִם יִשָּׂא֑וּנְךָ פֶּן תִּגֹּ֖ף בָּאֶ֣בֶן רַגְלֶךָ 13 עַל שַׁ֣חַל וָפֶ֣תֶן תִּדְרֹ֑ךְ תִּרְמֹ֖ס כְּפִ֣יר וְתַנִּין 14 כִּ֤י בִ֣י חָ֭שַׁק וַאֲפַלְּטֵ֑הוּ אֲ֝שַׂגְּבֵ֗הוּ כִּי יָדַ֥ע שְׁמִי 15 יִקְרָאֵ֨נִי וְאֶעֱנֵה֗וּ עִמּוֹ אָנֹכִ֥י בְצָרָ֑ה אֲ֝חַלְּצֵ֗הוּ וַאֲכַבְּדֵהוּ 16 אֹ֣רֶךְ יָ֭מִים אַשְׂבִּיעֵ֑הוּ וְ֝אַרְאֵ֗הוּ בִּישׁוּעָתִי