Matched Mismatch Not in MapM
131 words: 125 matched, 6 mismatch, 0 missing
1 שִׁ֗יר הַמַּעֲ֫לוֹ֥ת זְכוֹר יַהְוֶה לְדָוִ֑ד אֵ֝֗ת כָּל עֻנּוֹתוֹ 2 אֲשֶׁ֣ר נִ֭שְׁבַּע לְיַהְוֶה נָ֝דַ֗ר לַאֲבִ֥יר יַעֲקֹב 3 אִם אָ֭בֹא בְּאֹ֣הֶל בֵּיתִ֑י אִם אֶ֝עֱלֶ֗ה עַל עֶ֥רֶשׂ יְצוּעָי 4 אִם אֶתֵּ֣ן שְׁנַ֣ת לְעֵינָ֑י לְעַפְעַפַּי֥ תְּנוּמָה 5 עַד אֶמְצָ֣א מָ֭קוֹם לְיַהְוֶה מִ֝שְׁכָּנ֗וֹת לַאֲבִ֥יר יַעֲקֹב 6 הִנֵּה שְׁמַעֲנ֥וּהָ בְאֶפְרָ֑תָה מְ֝צָאנ֗וּהָ בִּשְׂדֵי יָעַר 7 נָב֥וֹאָה לְמִשְׁכְּנוֹתָ֑יו נִ֝שְׁתַּחֲוֶ֗ה לַהֲדֹ֥ם רַגְלָיו 8 קוּמָ֣ה יַהְוֶה לִמְנוּחָתֶ֑ךָ אַ֝תָּ֗ה וַאֲר֥וֹן עֻזֶּךָ 9 כֹּהֲנֶ֥יךָ יִלְבְּשׁוּ צֶ֑דֶק וַחֲסִידֶ֥יךָ יְרַנֵּנוּ 10 בַּעֲ֭בוּר דָּוִ֣ד עַבְדֶּ֑ךָ אַל תָּ֝שֵׁ֗ב פְּנֵ֣י מְשִׁיחֶךָ 11 נִשְׁבַּע יַהְוֶה לְדָוִ֡ד אֱמֶת֮ לֹא יָשׁ֢וּב מִ֫מֶּ֥נָּה מִפְּרִ֥י בִטְנְךָ֑ אָ֝שִׁ֗ית לְכִסֵּא לָךְ 12 אִם יִשְׁמְר֬וּ בָנֶ֨יךָ בְּרִיתִי֮ וְעֵדֹתִ֥י ז֗וֹ אֲלַ֫מְּדֵ֥ם גַּם בְּנֵיהֶ֥ם עֲדֵי עַ֑ד יֵ֝שְׁב֗וּ לְכִסֵּא לָךְ 13 כִּי בָחַ֣ר יַהְוֶה בְּצִיּ֑וֹן אִ֝וָּ֗הּ לְמוֹשָׁ֥ב לוֹ 14 זֹאת מְנוּחָתִ֥י עֲדֵי עַ֑ד פֹּה אֵ֝שֵׁ֗ב כִּ֣י אִוִּתִיהָ 15 צֵ֭ידָהּ בָּרֵ֣ךְ אֲבָרֵ֑ךְ אֶ֝בְיוֹנֶ֗יהָ אַשְׂבִּ֥יעַ לָחֶם 16 וְכֹ֭הֲנֶיהָ אַלְבִּ֣ישׁ יֶ֑שַׁע וַ֝חֲסִידֶ֗יהָ רַנֵּ֥ן יְרַנֵּנוּ 17 שָׁ֤ם אַצְמִ֣יחַ קֶ֣רֶן לְדָוִ֑ד עָרַ֥כְתִּי נֵ֝֗ר לִמְשִׁיחִי 18 א֭וֹיְבָיו אַלְבִּ֣ישׁ בֹּ֑שֶׁת וְ֝עָלָ֗יו יָצִ֥יץ נִזְרוֹ