Matched Mismatch Not in MapM
87 words: 86 matched, 1 mismatch, 0 missing
1 לַמְנַצֵּ֥חַ אַל תַּשְׁחֵ֑ת מִזְמ֖וֹר לְאָסָ֣ף שִׁיר 2 ה֘וֹדִ֤ינוּ לְּךָ֨ אֱלֹהִי֗ם ה֭וֹדִינוּ וְקָר֣וֹב שְׁמֶ֑ךָ סִ֝פְּר֗וּ נִפְלְאוֹתֶיךָ 3 כִּ֭י אֶקַּ֣ח מוֹעֵ֑ד אֲ֝נִ֗י מֵישָׁרִ֥ים אֶשְׁפֹּט 4 נְמֹגִי֗ם אֶ֥רֶץ וְכָל יֹשְׁבֶ֑יהָ אָנֹכִ֨י תִכַּ֖נְתִּי עַמּוּדֶ֣יהָ סֶּלָה 5 אָמַ֣רְתִּי לַ֭הוֹלְלִים אַל תָּהֹ֑לּוּ וְ֝לָרְשָׁעִ֗ים אַל תָּרִ֥ימוּ קָרֶן 6 אַל תָּרִ֣ימוּ לַמָּר֣וֹם קַרְנְכֶ֑ם תְּדַבְּר֖וּ בְצַוָּ֣אר עָתָק 7 כִּ֤י לֹ֣א מִ֭מּוֹצָא וּמִמַּעֲרָב֑ וְ֝לֹ֗א מִמִּדְבַּ֥ר הָרִים 8 כִּי אֱלֹהִ֥ים שֹׁפֵ֑ט זֶ֥ה יַ֝שְׁפִּ֗יל וְזֶ֣ה יָרִים 9 כִּ֤י כ֪וֹס בְּיַד יַהְוֶה וְיַ֤יִן חָמַ֨ר מָ֥לֵא מֶסֶךְ֮ וַיַּגֵּ֢ר מִ֫זֶּ֥ה אַךְ שְׁ֭מָרֶיהָ יִמְצ֣וּ יִשְׁתּ֑וּ כֹּ֝֗ל רִשְׁעֵי אָרֶץ 10 וַ֭אֲנִי אַגִּ֣יד לְעֹלָ֑ם אֲ֝זַמְּרָ֗ה לֵאלֹהֵ֥י יַעֲקֹב 11 וְכָל קַרְנֵ֣י רְשָׁעִ֣ים אֲגַדֵּ֑עַ תְּ֝רוֹמַ֗מְנָה קַרְנוֹ֥ת צַדִּיק