Matched Mismatch Not in MapM
100 words: 93 matched, 7 mismatch, 0 missing
1 לַמְנַצֵּ֬חַ לְעֶבֶד יַהְוֶה לְדָוִד 2 נָאַם פֹּשֵׁעַ לִרְשֹׁעַ בְּקֶ֣רֶב לִבּוֹ אֵין פַּ֥חַד אֱ֝לֹהִ֗ים לְנֶ֣גֶד עֵינָיו 3 כִּי הֶחֱלִ֣יק אֵלָ֣יו בְּעֵינָ֑יו לִמְצֹ֖א עֲוֺנ֣וֹ לִשְׂנֹא 4 דִּבְרֵי פִ֭יו אָ֣וֶן וּמִרְמָ֑ה חָדַ֖ל לְהַשְׂכִּ֣יל לְהֵיטִיב 5 אָ֤וֶן יַחְשֹׁ֗ב עַל מִשְׁכָּ֫ב֥וֹ יִ֭תְיַצֵּב עַל דֶּ֣רֶךְ לֹא ט֑וֹב רָ֝֗ע לֹ֣א יִמְאָס 6 יַהְוֶה בְּהַשָּׁמַ֣יִם חַסְדֶּ֑ךָ אֱ֝מ֥וּנָתְךָ֗ עַד שְׁחָקִים 7 צִדְקָתְךָ֨ כְּהַרְרֵי אֵ֗ל מִ֭שְׁפָּטֶיךָ תְּה֣וֹם רַבָּ֑ה אָ֤דָם וּבְהֵמָ֖ה תוֹשִׁ֣יעַ יַהְוֶה 8 מַה יָּקָ֥ר חַסְדְּךָ֗ אֱלֹ֫הִ֥ים וּבְנֵ֥י אָדָ֑ם בְּצֵ֥ל כְּ֝נָפֶ֗יךָ יֶחֱסָיוּן 9 יִ֭רְוְיֻן מִדֶּ֣שֶׁן בֵּיתֶ֑ךָ וְנַ֖חַל עֲדָנֶ֣יךָ תַשְׁקֵם 10 כִּי עִ֭מְּךָ מְק֣וֹר חַיִּ֑ים בְּ֝אוֹרְךָ֗ נִרְאֶה אוֹר 11 מְשֹׁ֣ךְ חַ֭סְדְּךָ לְיֹדְעֶ֑יךָ וְ֝צִדְקָתְךָ לְיִשְׁרֵי לֵב 12 אַל תְּ֭בוֹאֵנִי רֶ֣גֶל גַּאֲוָ֑ה וְיַד רְ֝שָׁעִ֗ים אַל תְּנִדֵנִי 13 שָׁ֣ם נָ֭פְלוּ פֹּ֣עֲלֵי אָ֑וֶן דֹּ֝ח֗וּ וְלֹא יָ֥כְלוּ קוּם