Psalms 20

123456789101112131415161718192021222324252627282930313233343536373839404142434445464748495051525354555657585960616263646566676869707172737475767778798081828384858687888990919293949596979899100101102103104105106107108109110111112113114115116117118119120121122123124125126127128129130131132133134135136137138139140141142143144145146147148149150
Download PDF Bible.Systems GitHub
Matched Mismatch Not in MapM
70 words: 64 matched, 6 mismatch, 0 missing
1 לַמְנַצֵּ֗חַ מִזְמ֥וֹר לְדָוִד 2 יַעַנְךָ יַהְוֶה בְּי֣וֹם צָרָ֑ה יְ֝שַׂגֶּבְךָ֗ שֵׁ֤ם אֱלֹהֵ֬י יַעֲקֹב 3 יִשְׁלַח עֶזְרְךָ֥ מִקֹּ֑דֶשׁ וּ֝מִצִּיּ֗וֹן יִסְעָדֶךָּ 4 יִזְכֹּ֥ר כָּל מִנְחֹתֶ֑ךָ וְעוֹלָתְךָ֖ יְדַשְּׁנֶ֣ה סֶלָה 5 יִתֶּן לְךָ֥ כִלְבָבֶ֑ךָ וְכָל עֲצָתְךָ֥ יְמַלֵּא 6 נְרַנְּנָ֤ה בִּ֘ישׁ֤וּעָתֶ֗ךָ וּבְשֵׁם אֱלֹהֵ֥ינוּ נִדְגֹּ֑ל יְמַלֵּ֥א יַהְוֶה כָּל מִשְׁאֲלוֹתֶיךָ 7 עַתָּ֤ה יָדַ֗עְתִּי כִּ֤י הוֹשִׁ֥יעַ יַהְוֶה מְשִׁ֫יח֥וֹ יַ֭עֲנֵהוּ מִשְּׁמֵ֣י קָדְשׁ֑וֹ בִּ֝גְבֻר֗וֹת יֵ֣שַׁע יְמִינוֹ 8 אֵ֣לֶּה בָ֭רֶכֶב וְאֵ֣לֶּה בַסּוּסִ֑ים וַאֲנַ֓חְנוּ בְּשֵׁם יַהְוֶה אֱלֹהֵ֣ינוּ נַזְכִּיר 9 הֵ֭מָּה כָּרְע֣וּ וְנָפָ֑לוּ וַאֲנַ֥חְנוּ קַמְנוּ וַנִּתְעוֹדָד 10 יַהְוֶה הוֹשִׁ֑יעָה הַ֝מֶּ֗לֶךְ יַעֲנֵ֥נוּ בְיוֹם קָרְאֵנוּ