Matched Mismatch Not in MapM
130 words: 123 matched, 7 mismatch, 0 missing
1 לְדָוִ֨ד בָּ֘ר֤וּךְ יַהְוֶה צוּרִ֗י הַמְלַמֵּד֣ יָדַ֣י לַקְרָ֑ב אֶ֝צְבְּעוֹתַ֗י לַמִּלְחָמָה 2 חַסְדִּ֥י וּמְצוּדָתִי֮ מִשְׂגַּבִּ֢י וּמְפַלְטִי֫ לִ֥י מָ֭גִנִּי וּב֣וֹ חָסִ֑יתִי הָרוֹדֵ֖ד עַמִּים תַחְתָּי 3 יַהְוֶה מָה אָ֭דָם וַתֵּדָעֵ֑הוּ בֶּן אֱ֝נ֗וֹשׁ וַתְּחַשְּׁבֵהוּ 4 אָ֭דָם לַהֶ֣בֶל דָּמָ֑ה יָ֝מָ֗יו כְּצֵ֣ל עוֹבֵר 5 יַהְוֶה הַט שָׁמַיִם וְתֵרֵ֑ד גַּ֖ע בֶּהָרִ֣ים וְיֶעֱשָׁנוּ 6 בְּר֣וֹק בָּ֭רָק וּתְפִיצֵ֑ם שְׁלַ֥ח חִ֝צֶּ֗יךָ וּתְהֻמֵּם 7 שְׁלַ֥ח יָדְךָ מִ֫מָּר֥וֹם פְּצֵ֣נִי וְ֭הַצִּילֵנִי מִמַּ֣יִם רַבִּ֑ים מִ֝יַּ֗ד בְּנֵ֣י נֵכָר 8 אֲשֶׁ֣ר פִּ֭יהֶם דִּבֶּר שָׁ֑וְא וִ֝ימִינָ֗ם יְמִ֣ין שָׁקֶר 9 אֱלֹהִי֗ם שִׁ֣יר חָ֭דָשׁ אָשִׁ֣ירָה לָּ֑ךְ בְּנֵ֥בֶל עָ֝שׂ֗וֹר אֲזַמְּרָה לָּךְ 10 הַנּוֹתֵ֥ן תְּשׁוּעָ֗ה לַמְּלָ֫כִ֥ים הַ֭פּוֹצֶה אֶת דָּוִ֥ד עַבְדּ֗וֹ מֵחֶ֥רֶב רָעָה 11 פְּצֵ֥נִי וְהַצִּילֵנִי֮ מִיַּ֢ד בְּנֵי נֵ֫כָ֥ר אֲשֶׁ֣ר פִּ֭יהֶם דִּבֶּר שָׁ֑וְא וִ֝ימִינָ֗ם יְמִ֣ין שָׁקֶר 12 אֲשֶׁ֤ר בָּנֵ֨ינוּ כִּנְטִעִים֮ מְגֻדָּלִ֢ים בִּנְעוּרֵי֫הֶם֥ בְּנוֹתֵ֥ינוּ כְזָוִיֹּ֑ת מְ֝חֻטָּב֗וֹת תַּבְנִ֥ית הֵיכָל 13 מְזָוֵ֣ינוּ מְלֵאִים֮ מְפִיקִ֥ים מִזַּ֗ן אֶ֫ל זַ֥ן צֹאונֵ֣נוּ מַ֭אֲלִיפוֹת מְרֻבָּב֗וֹת בְּחוּצוֹתֵינוּ 14 אַלּוּפֵ֗ינוּ מְסֻבָּלִ֫י֥ם אֵין פֶּ֭רֶץ וְאֵ֣ין יוֹצֵ֑את וְאֵ֥ין צְ֝וָחָ֗ה בִּרְחֹבֹתֵינוּ 15 אַשְׁרֵ֣י הָ֭עָם שֶׁכָּ֣כָה לּ֑וֹ אַשְׁרֵי֥ הָ֝עָ֗ם שִׁיַּהְוֶה אֱלֹהָיו