Matched Mismatch Not in MapM
95 words: 89 matched, 6 mismatch, 0 missing
1 מִזְמ֗וֹר לְדָ֫וִ֥ד יַהְוֶה קְ֭רָאתִיךָ ח֣וּשָׁה לִּ֑י הַאֲזִ֥ינָה ק֝וֹלִ֗י בְּקָרְאִי לָךְ 2 תִּכּ֤וֹן תְּפִלָּתִ֣י קְטֹ֣רֶת לְפָנֶ֑יךָ מַשְׂאַת֥ כַּ֝פַּ֗י מִנְחַת עָרֶב 3 שִׁיתָ֣ה יַהְוֶה שְׁמֻרָה לְפִ֑י נְצֻרָה עַל דַּ֥ל שְׂפָתָי 4 אַל תַּט לִבִּ֨י לְדָבָ֪ר רָ֡ע לְהִתְע֘וֹלֵ֤ל עֲלִל֨וֹת בְּרֶ֗שַׁע אֶת אִישִׁ֥ים פֹּעֲלֵי אָ֑וֶן וּבַל אֶ֝לְחַ֗ם בְּמַנְעַמֵּיהֶם 5 יֶ֥הֶלְמֵנִי צַדִּ֨יק חֶ֡סֶד וְיוֹכִיחֵנִ֗י שֶׁ֣מֶן רֹ֭אשׁ אַל יָנִ֣י רֹאשִׁ֑י כִּי ע֥וֹד וּ֝תְפִלָּתִ֗י בְּרָעוֹתֵיהֶם 6 נִשְׁמְט֣וּ בִידֵי סֶ֭לַע שֹׁפְטֵיהֶ֑ם וְשָׁמְע֥וּ אֲ֝מָרַ֗י כִּ֣י נָעֵמוּ 7 כְּמ֤וֹ פֹלֵ֣חַ וּבֹקֵ֣עַ בָּאָ֑רֶץ נִפְזְר֥וּ עֲ֝צָמֵ֗ינוּ לְפִ֣י שְׁאוֹל 8 כִּ֤י אֵלֶ֨יךָ יַהְוֶה אֲדֹנַי עֵינָ֑י בְּכָ֥ה חָ֝סִ֗יתִי אַל תְּעַ֥ר נַפְשִׁי 9 שָׁמְרֵ֗נִי מִ֣ידֵי פַ֭ח יָ֣קְשׁוּ לִ֑י וּ֝מֹקְשׁ֗וֹת פֹּ֣עֲלֵי אָוֶן 10 יִפְּל֣וּ בְמַכְמֹרָ֣יו רְשָׁעִ֑ים יַ֥חַד אָ֝נֹכִ֗י עַד אֶעֱבוֹר