Matched Mismatch Not in MapM
143 words: 126 matched, 16 mismatch, 1 missing
1 שִׁגָּי֗וֹן לְדָ֫וִ֥ד אֲשֶׁר שָׁ֥ר לְיַהְוֶה עַל דִּבְרֵי כוּשִׁי בֶּן יְמִינִי 2 יַהְוֶה אֱ֭לֹהַי בְּךָ֣ חָסִ֑יתִי הוֹשִׁיעֵ֥נִי מִכָּל רֹ֝דְפַ֗י וְהַצִּילֵנִי 3 פֶּן יִטְרֹ֣ף כְּאַרְיֵ֣ה נַפְשִׁ֑י אֵין פֹּרֵק וְאֵין מַצִּיל 4 יַהְוֶה אֱ֭לֹהַי אִם עָשִׂ֣יתִי זֹ֑את אִם יֶשׁ עָ֥וֶל בְּכַפָּי 5 אִם גָּ֭מַלְתִּי שׁוֹלְמִי֥ רָ֑ע וָאֶלְחֲצָה צוֹרְרִי֣ רֵיקָם 6 יִרְדֹּף אוֹיֵ֨ב נַפְשִׁ֡י וְיַשֵּׂ֗ג וְיִרְמֹ֣ס לָאָ֣רֶץ חַיָּ֑י וּכְבוֹדִ֓י לֶעָפָ֖ר יַשְׁכֵּ֣ן סֶלָה 7 ק֘וּמָ֤ה יַהְוֶה בְּאַפֶּ֗ךָ הִ֭נָּשֵׂא בְּעַבְר֣וֹת צוֹרְרָ֑י וְע֥וּרָה אֵלִי מִשְׁפָּ֥ט צִוִּיתָ 8 וַעֲדַ֣ת לְ֭אֻמִּים תְּסוֹבְבֶךָּ֑ וְ֝עָלֶ֗יהָ לַמָּר֥וֹם שׁוּבָה 9 יַהְוֶה יָדִ֢ין עַ֫מִּ֥ים שָׁפְטֵ֥נִי יַהְוֶה כְּצִדְקִ֖י וּכְתֻמִּ֣י עָלָי 10 יִגְמָר נָ֬א רַ֨ע רְשָׁעִים֮ וּתְכוֹנֵ֢ן צַ֫דִּ֥יק בּוֹחֵן לִ֭בּוֹת וּכְלָי֗וֹת אֱלֹהִ֥ים צַדִּיק 11 מָגִנִּ֥י עַל אֱלֹהִ֑ים מ֝וֹשִׁ֗יעַ יִשְׁרֵי לֵב 12 אֱ֭לֹהִים שׁוֹפֵ֣ט צַדִּ֑יק וְ֝אֵ֗ל זֹעֵ֥ם בְּכָל יוֹם 13 אִם לֹ֣א יָ֭שׁוּב חַרְבּ֣וֹ יִלְט֑וֹשׁ קַשְׁתּ֥וֹ דָ֝רַ֗ךְ וַיְכוֹנְנֶהָ 14 וְ֭לוֹ הֵכִ֣ין כְּלֵי מָ֑וֶת חִ֝צָּ֗יו לְדֹלְקִי֥ם יִפְעָל 15 הִנֵּ֥ה יְחַבֶּל אָ֑וֶן וְהָרָ֥ה עָ֝מָ֗ל וְיָ֣לַד שָׁקֶר 16 בּ֣וֹר כָּ֭רָה וַיַּחְפְּרֵה֑וּ וַ֝יִּפֹּ֗ל בְּשַׁ֣חַת יִפְעָל 17 יָשׁ֣וּב עֲמָל֣וֹ בְרֹאשׁ֑וֹ וְעַ֥ל קָ֝דְקֳד֗וֹ חֲמָס֥וֹ יֵרֵד 18 אוֹדֶ֣ה יַהְוֶה כְּצִדְק֑וֹ וַ֝אֲזַמְּרָ֗ה שֵׁם יַהְוֶה עֶלְיוֹן