Matched Mismatch Not in MapM
97 words: 89 matched, 8 mismatch, 0 missing
1 מִכְתָּ֥ם לְדָוִ֑ד שָׁמְרֵנִ֥י אֵ֝֗ל כִּי חָסִ֥יתִי בָךְ 2 אָמַרְתִּ לְיַהְוֶה אֲדֹנַי אָ֑תָּה ט֝וֹבָתִ֗י בַּל עָלֶיךָ 3 לִ֭קְדוֹשִׁים אֲשֶׁר בָּאָ֣רֶץ הֵ֑מָּה הֶאֱדִירוּ כָּל חֶפְצוֹ בָם 4 יִרְבּ֥וּ עַצְּבוֹתָם֮ אַחֵ֢ר מָ֫הָ֥רוּ בַּל אַסִּ֣יךְ נִסְכֵּיהֶ֣ם מִדָּ֑ם וּבַל אֶשָּׂ֥א אֶת שְׁ֝מוֹתָ֗ם עַל שְׂפָתָי 5 יַהְוֶה מְנָת חֶלְקִ֥י וְכוֹסִ֑י אַ֝תָּ֗ה תּוֹמִ֥יךְ גּוֹרָלִי 6 חֲבָלִ֣ים נָפְלוּ לִ֭י בַּנְּעִמִ֑ים אַף נַ֝חֲלָ֗ת שָׁפְרָה֥ עָלָי 7 אֲבָרֵ֗ךְ אֶת יַהְוֶה אֲשֶׁ֣ר יְעָצָ֑נִי אַף לֵ֝יל֗וֹת יִסְּר֥וּנִי כִלְיוֹתָי 8 שִׁוִּ֬יתִי יַהְוֶה לְנֶגְדִּ֣י תָמִ֑יד כִּ֥י מִי֝מִינִי֗ בַּל אֶמּוֹט 9 לָכֵ֤ן שָׂמַ֣ח לִ֭בִּי וַיָּ֣גֶל כְּבוֹדִ֑י אַף בְּ֝שָׂרִ֗י יִשְׁכֹּ֥ן לָבֶטַח 10 כִּ֤י לֹא תַעֲזֹ֣ב נַפְשִׁ֣י לִשְׁא֑וֹל לֹא תִתֵּ֥ן חֲ֝סִידְךָ֗ לִרְא֥וֹת שָׁחַת 11 תּוֹדִיעֵנִי אֹ֤רַח חַ֫יִּ֥ים שֹׂ֣בַע שְׂ֭מָחוֹת אֶת פָּנֶ֑יךָ נְעִמ֖וֹת בִּימִינְךָ֣ נֶצַח