Matched Mismatch Not in MapM
160 words: 137 matched, 21 mismatch, 2 missing
1 לְדָוִ֡ד אֵלֶ֥יךָ יַהְוֶה נַפְשִׁ֥י אֶשָּׂא אֱלֹהָי 2 בְּךָ בָטַחְתִּי אַל אֵבוֹשָׁה אַל יַעַלְצוּ אוֹיְבַי לִי 3 גַּ֣ם כָּל קֹ֭וֶיךָ לֹ֣א יֵבֹ֑שׁוּ יֵ֝בֹ֗שׁוּ הַבּוֹגְדִ֥ים רֵיקָם 4 דְּרָכֶ֣יךָ יַהְוֶה הוֹדִיעֵ֑נִי אֹ֖רְחוֹתֶ֣יךָ לַמְּדֵנִי 5 הַדְרִ֘יכֵ֤נִי בַאֲמִתֶּ֨ךָ וְלַמְּדֵנִ֗י כִּי אַ֭תָּה אֱלֹהֵ֣י יִשְׁעִ֑י וְאֹתְךָ קִ֝וִּ֗יתִי כָּל הַיּוֹם 6 זְכֹר רַחֲמֶ֣יךָ יַהְוֶה וַחֲסָדֶ֑יךָ כִּ֖י מֵעוֹלָ֣ם הֵמָּה 7 חַטֹּ֤אות נְעוּרַ֨י וּפְשָׁעַ֗י אַל תִּ֫זְכֹּ֥ר כְּחַסְדְּךָ֥ זְכָר לִי אַ֑תָּה לְמַ֖עַן טוּבְךָ֣ יַהְוֶה 8 טוֹב וְיָשָׁ֥ר יַהְוֶה עַל כֵּ֤ן יוֹרֶ֖ה חַטָּאִ֣ים בַּדָּרֶךְ 9 יַדְרֵ֣ךְ עֲ֭נָוִים בַּמִּשְׁפָּ֑ט וִילַמֵּ֖ד עֲנָוִ֣ים דַּרְכּוֹ 10 כָּל אָרְח֣וֹת יַהְוֶה חֶ֣סֶד וֶאֱמֶ֑ת לְנֹצְרֵ֥י בְ֝רִית֗וֹ וְעֵדֹתָיו 11 לְמַעַן שִׁמְךָ֥ יַהְוֶה וְסָלַחְתָּ לַ֝עֲוֺנִ֗י כִּ֣י רַב הוּא 12 מִי זֶ֣ה הָ֭אִישׁ יְרֵ֣א יַהְוֶה י֝וֹרֶ֗נּוּ בְּדֶ֣רֶךְ יִבְחָר 13 נַ֭פְשׁוֹ בְּט֣וֹב תָּלִ֑ין וְ֝זַרְע֗וֹ יִ֣ירַשׁ אָרֶץ 14 ס֣וֹד יַהְוֶה לִירֵאָ֑יו וּ֝בְרִית֗וֹ לָהוֹדִיעָם 15 עֵינַ֣י תָּ֭מִיד אֶל יַהְוֶה כִּ֤י הוּא יוֹצִ֖יא מֵרֶ֣שֶׁת רַגְלָי 16 פְּנֵה אֵלַ֥י וְחָנֵּ֑נִי כִּי יָחִ֖יד וְעָנִ֣י אָנִי 17 צָר֣וֹת לְבָבִ֣י הִרְחִ֑יבוּ מִ֝מְּצוּקוֹתַ֗י הוֹצִיאֵנִי 18 קְשֹׁב עָ֭נְיִי וַעֲמָלִ֑י וְ֝שָׂ֗א לְכָל חַטֹּאותָי 19 רְאֵה אֹיְבַ֥י כִּי רָ֑בּוּ וְשִׂנְאַ֖ת חָמָ֣ס שְׂנֵאוּנִי 20 שָׁמְרָ֣ה נַ֭פְשִׁי וְהַצִּילֵ֑נִי אַל אֵ֝ב֗וֹשׁ כִּי חָסִ֥יתִי בָךְ 21 תֹּם וָיֹ֥שֶׁר יִצְּר֑וּנִי כִּ֝֗י קִוִּיתִיךָ יַהְוֶה 22 פְּדֵ֣ה אֱ֭לֹהִים אֶת יִשְׂרָאֵ֑ל מִ֝כֹּ֗ל צָרוֹתָיו