Matched Mismatch Not in MapM
85 words: 75 matched, 10 mismatch, 0 missing
1 לְדָוִ֨ד שָׁפְטֵ֤נִי יַהְוֶה כִּי אֲ֭נִי בְּתֻמִּ֣י הָלַ֑כְתִּי וּבְיַהְוֶה בָּ֝טַ֗חְתִּי לֹ֣א אֶמְעָד 2 בְּחָנֵ֣נִי יַהְוֶה וְנַסֵּ֑נִי צְרוֹפָה כִלְיוֹתַי וְלִבִּי 3 כִּי חַ֭סְדְּךָ לְנֶ֣גֶד עֵינָ֑י וְ֝הִתְהַלַּ֗כְתִּי בַּאֲמִתֶּךָ 4 לֹא יָ֭שַׁבְתִּי עִם מְתֵי שָׁ֑וְא וְעִ֥ם נַ֝עֲלָמִ֗ים לֹ֣א אָבוֹא 5 שָׂ֭נֵאתִי קְהַ֣ל מְרֵעִ֑ים וְעִם רְ֝שָׁעִ֗ים לֹ֣א אֵשֵׁב 6 אֶרְחַ֣ץ בְּנִקָּי֣וֹן כַּפָּ֑י וַאֲסֹבְבָ֖ה אֶת מִזְבַּחֲךָ֣ יַהְוֶה 7 לַ֭שְׁמִעַ בְּק֣וֹל תּוֹדָ֑ה וּ֝לְסַפֵּ֗ר כָּל נִפְלְאוֹתֶיךָ 8 יַהְוֶה אָ֭הַבְתִּי מְע֣וֹן בֵּיתֶ֑ךָ וּ֝מְק֗וֹם מִשְׁכַּ֥ן כְּבוֹדֶךָ 9 אַל תֶּאֱסֹ֣ף עִם חַטָּאִ֣ים נַפְשִׁ֑י וְעִם אַנְשֵׁ֖י דָמִ֣ים חַיָּי 10 אֲשֶׁר בִּידֵיהֶ֥ם זִמָּ֑ה וִ֝ימִינָ֗ם מָ֣לְאָה שֹּׁחַד 11 וַ֭אֲנִי בְּתֻמִּ֥י אֵלֵ֗ךְ פְּדֵ֣נִי וְחָנֵּנִי 12 רַ֭גְלִי עָמְדָ֣ה בְמִישׁ֑וֹר בְּ֝מַקְהֵלִ֗ים אֲבָרֲכֶךָ יַהְוֶה