Matched Mismatch Not in MapM
91 words: 73 matched, 18 mismatch, 0 missing
1 מִזְמ֗וֹר לְדָ֫וִ֥ד הָב֣וּ לְיַהְוֶה בְּנֵ֣י אֵלִ֑ים הָב֥וּ לְיַהְוֶה כָּב֥וֹד וָעֹז 2 הָב֣וּ לְיַהְוֶה כְּב֣וֹד שְׁמ֑וֹ הִשְׁתַּחֲו֥וּ לְיַהְוֶה בְּהַדְרַת קֹדֶשׁ 3 ק֥וֹל יַהְוֶה עַל הַ֫מָּ֥יִם אֵל הַכָּב֥וֹד הִרְעִ֑ים יַהְוֶה עַל מַ֥יִם רַבִּים 4 קוֹל יַהְוֶה בַּכֹּ֑חַ ק֥וֹל יַהְוֶה בֶּהָדָר 5 ק֣וֹל יַהְוֶה שֹׁבֵ֣ר אֲרָזִ֑ים וַיְשַׁבֵּ֥ר יַהְוֶה אֶת אַרְזֵ֥י הַלְּבָנוֹן 6 וַיַּרְקִידֵ֥ם כְּמוֹ עֵ֑גֶל לְבָנ֥וֹן וְ֝שִׂרְיֹ֗ן כְּמ֣וֹ בֶן רְאֵמִים 7 קוֹל יַהְוֶה חֹצֵ֗ב לַהֲב֥וֹת אֵשׁ 8 ק֣וֹל יַהְוֶה יָחִ֣יל מִדְבָּ֑ר יָחִ֥יל יַהְוֶה מִדְבַּ֥ר קָדֵשׁ 9 ק֤וֹל יַהְוֶה יְחוֹלֵ֣ל אַיָּלוֹת֮ וַיֶּחֱשֹׂף֢ יְעָ֫ר֥וֹת וּבְהֵיכָל֑וֹ כֻּ֝לּ֗וֹ אֹמֵ֥ר כָּבוֹד 10 יַהְוֶה לַמַּבּ֣וּל יָשָׁ֑ב וַיֵּ֥שֶׁב יַהְוֶה מֶ֣לֶךְ לְעוֹלָם 11 יַהְוֶה עֹ֭ז לְעַמּ֣וֹ יִתֵּ֑ן יַהְוֶה יְבָרֵ֖ךְ אֶת עַמּ֣וֹ בַשָּׁלוֹם