Matched Mismatch Not in MapM
167 words: 147 matched, 20 mismatch, 0 missing
1 הַ֥לְלוּ יָ֨הּ הַלְ֭לוּ אֶת שֵׁ֣ם יַהְוֶה הַלְ֝לוּ֗ עַבְדֵ֥י יַהְוֶה 2 שֶׁ֣֭עֹמְדִים בְּבֵ֣ית יַהְוֶה בְּ֝חַצְר֗וֹת בֵּ֣ית אֱלֹהֵינוּ 3 הַלְלוּ יָ֭הּ כִּי ט֣וֹב יַהְוֶה זַמְּר֥וּ לִ֝שְׁמ֗וֹ כִּ֣י נָעִים 4 כִּי יַעֲקֹ֗ב בָּחַ֣ר ל֣וֹ יָ֑הּ יִ֝שְׂרָאֵ֗ל לִסְגֻלָּתוֹ 5 כִּ֤י אֲנִ֣י יָ֭דַעְתִּי כִּי גָד֣וֹל יַהְוֶה וַ֝אֲדֹנֵ֗ינוּ מִכָּל אֱלֹהִים 6 כֹּ֤ל אֲשֶׁר חָפֵ֥ץ יַהְוֶה עָ֫שָׂ֥ה בַּשָּׁמַ֥יִם וּבָאָ֑רֶץ בַּ֝יַּמִּ֗ים וְכָל תְּהֹמוֹת 7 מַעֲלֶ֣ה נְשִׂאִים֮ מִקְצֵ֢ה הָ֫אָ֥רֶץ בְּרָקִ֣ים לַמָּטָ֣ר עָשָׂ֑ה מוֹצֵא ר֝֗וּחַ מֵאוֹצְרוֹתָיו 8 שֶׁ֭הִכָּה בְּכוֹרֵ֣י מִצְרָ֑יִם מֵ֝אָדָ֗ם עַד בְּהֵמָה 9 שָׁלַ֤ח אוֹתֹ֣ת וּ֭מֹפְתִים בְּתוֹכֵ֣כִי מִצְרָ֑יִם בְּ֝פַרְעֹ֗ה וּבְכָל עֲבָדָיו 10 שֶׁ֭הִכָּה גּוֹיִ֣ם רַבִּ֑ים וְ֝הָרַ֗ג מְלָכִ֥ים עֲצוּמִים 11 לְסִיח֤וֹן מֶ֤לֶךְ הָאֱמֹרִ֗י וּ֭לְעוֹג מֶ֣לֶךְ הַבָּשָׁ֑ן וּ֝לְכֹ֗ל מַמְלְכ֥וֹת כְּנָעַן 12 וְנָתַ֣ן אַרְצָ֣ם נַחֲלָ֑ה נַ֝חֲלָ֗ה לְיִשְׂרָאֵ֥ל עַמּוֹ 13 יַהְוֶה שִׁמְךָ֣ לְעוֹלָ֑ם יַהְוֶה זִכְרְךָ֥ לְדֹר וָדֹר 14 כִּי יָדִ֣ין יַהְוֶה עַמּ֑וֹ וְעַל עֲ֝בָדָ֗יו יִתְנֶחָם 15 עֲצַבֵּ֣י הַ֭גּוֹיִם כֶּ֣סֶף וְזָהָ֑ב מַ֝עֲשֵׂ֗ה יְדֵ֣י אָדָם 16 פֶּה לָ֭הֶם וְלֹ֣א יְדַבֵּ֑רוּ עֵינַ֥יִם לָ֝הֶ֗ם וְלֹ֣א יִרְאוּ 17 אָזְנַ֣יִם לָ֭הֶם וְלֹ֣א יַאֲזִ֑ינוּ אַ֝֗ף אֵין יֶשׁ ר֥וּחַ בְּפִיהֶם 18 כְּ֭מוֹהֶם יִהְי֣וּ עֹשֵׂיהֶ֑ם כֹּ֖ל אֲשֶׁר בֹּטֵ֣חַ בָּהֶם 19 בֵּ֣ית יִ֭שְׂרָאֵל בָּרֲכוּ אֶת יַהְוֶה בֵּ֥ית אַ֝הֲרֹ֗ן בָּרֲכוּ אֶת יַהְוֶה 20 בֵּ֣ית הַ֭לֵּוִי בָּרֲכוּ אֶת יַהְוֶה יִרְאֵי֥ יַהְוֶה בָּרֲכוּ אֶת יַהְוֶה 21 בָּ֘ר֤וּךְ יַהְוֶה מִצִּיּ֗וֹן שֹׁ֘כֵ֤ן יְרוּשָׁלֵם הַלְלוּ יָהּ