Matched Mismatch Not in MapM
96 words: 89 matched, 7 mismatch, 0 missing
1 לַמְנַצֵּ֬חַ לִבְנֵי קֹ֬רַח מִזְמוֹר 2 רָצִ֣יתָ יַהְוֶה אַרְצֶ֑ךָ שַׁ֝֗בְתָּ שְׁבוּת יַעֲקֹב 3 נָ֭שָׂאתָ עֲוֺ֣ן עַמֶּ֑ךָ כִּסִּ֖יתָ כָל חַטָּאתָ֣ם סֶלָה 4 אָסַ֥פְתָּ כָל עֶבְרָתֶ֑ךָ הֱ֝שִׁיב֗וֹתָ מֵחֲר֥וֹן אַפֶּךָ 5 שׁ֭וּבֵנוּ אֱלֹהֵ֣י יִשְׁעֵ֑נוּ וְהָפֵ֖ר כַּעַסְךָ֣ עִמָּנוּ 6 הַלְעוֹלָ֥ם תֶּאֱנַף בָּ֑נוּ תִּמְשֹׁ֥ךְ אַ֝פְּךָ֗ לְדֹ֣ר וָדֹר 7 הָאֵל אַ֭תָּה תָּשׁ֣וּב תְּחַיֵּ֑נוּ וְ֝עַמְּךָ֗ יִשְׂמְחוּ בָךְ 8 הַרְאֵ֣נוּ יַהְוֶה חַסְדֶּ֑ךָ וְ֝יֶשְׁעֲךָ֗ תִּתֶּן לָנוּ 9 אֶשְׁמְעָ֗ה מַה יְדַבֵּר֮ הָאֵ֢ל יַהְוֶה כִּ֤י יְדַבֵּ֬ר שָׁל֗וֹם אֶל עַמּ֥וֹ וְאֶל חֲסִידָ֑יו וְאַל יָשׁ֥וּבוּ לְכִסְלָה 10 אַ֤ךְ קָר֣וֹב לִירֵאָ֣יו יִשְׁע֑וֹ לִשְׁכֹּ֖ן כָּב֣וֹד בְּאַרְצֵנוּ 11 חֶסֶד וֶאֱמֶ֥ת נִפְגָּ֑שׁוּ צֶ֖דֶק וְשָׁל֣וֹם נָשָׁקוּ 12 אֱ֭מֶת מֵאֶ֣רֶץ תִּצְמָ֑ח וְ֝צֶ֗דֶק מִשָּׁמַ֥יִם נִשְׁקָף 13 גַּם יַהְוֶה יִתֵּ֣ן הַטּ֑וֹב וְ֝אַרְצֵ֗נוּ תִּתֵּ֥ן יְבוּלָהּ 14 צֶ֭דֶק לְפָנָ֣יו יְהַלֵּ֑ךְ וְיָשֵׂ֖ם לְדֶ֣רֶךְ פְּעָמָיו