Matched Mismatch Not in MapM
132 words: 120 matched, 12 mismatch, 0 missing
1 מִזְמ֗וֹר לְאָ֫סָ֥ף אֱלֹהִי֡ם בָּ֤אוּ גוֹיִ֨ם בְּנַחֲלָתֶךָ֗ טִ֭מְּאוּ אֶת הֵיכַ֣ל קָדְשֶׁ֑ךָ שָׂ֖מוּ אֶת יְרוּשָׁלֵם לְעִיִּים 2 נָתְנ֡וּ אֶת נִבְלַ֬ת עֲבָדֶ֗יךָ מַ֭אֲכָל לְע֣וֹף הַשָּׁמָ֑יִם בְּשַׂ֥ר חֲ֝סִידֶ֗יךָ לְחַיְתוֹ אָרֶץ 3 שָׁפְכ֬וּ דָמָ֨ם כַּמַּ֗יִם סְבִי֘בוֹ֤ת יְרוּשָׁלֵם וְאֵ֣ין קוֹבֵר 4 הָיִ֣ינוּ חֶ֭רְפָּה לִשְׁכֵנֵ֑ינוּ לַ֥עַג וָ֝קֶ֗לֶס לִסְבִיבוֹתֵינוּ 5 עַד מָ֣ה יַהְוֶה תֶּאֱנַ֣ף לָנֶ֑צַח תִּבְעַ֥ר כְּמוֹ אֵ֝֗שׁ קִנְאָתֶךָ 6 שְׁפֹ֤ךְ חֲמָתְךָ֗ עַל הַגּוֹיִם֮ אֲשֶׁ֢ר לֹא יְדָ֫ע֥וּךָ וְעַ֥ל מַמְלָכ֑וֹת אֲשֶׁ֥ר בְּ֝שִׁמְךָ֗ לֹ֣א קָרָאוּ 7 כִּ֭י אָכְלוּ אֶת יַעֲקֹ֑ב וְאֶת נָוֵ֥הוּ הֵשַׁמּוּ 8 אַל תִּזְכָּר לָנוּ֮ עֲוֺנֹ֢ת רִאשֹׁ֫נִ֥ים מַ֭הֵר יְקַדְּמ֣וּנוּ רַחֲמֶ֑יךָ כִּ֖י דַלּ֣וֹנוּ מְאֹד 9 עָזְרֵ֤נוּ אֱלֹ֘הֵ֤י יִשְׁעֵ֗נוּ עַל דְּבַ֥ר כְּבוֹד שְׁמֶ֑ךָ וְהַצִּילֵ֥נוּ וְכַפֵּ֥ר עַל חַ֝טֹּאתֵ֗ינוּ לְמַ֣עַן שְׁמֶךָ 10 לָ֤מָּה יֹאמְר֣וּ הַגּוֹיִם֮ אַיֵּ֢ה אֱלֹהֵי֫הֶם֥ יִוָּדַ֣ע בַּגֹּיִים לְעֵינֵינוּ נִקְמַת דַּם עֲבָדֶיךָ הַשָּׁפוּךְ 11 תָּ֤ב֣וֹא לְפָנֶיךָ֮ אֶנְקַ֢ת אָ֫סִ֥יר כְּגֹ֥דֶל זְרוֹעֲךָ֑ ה֝וֹתֵ֗ר בְּנֵ֣י תְמוּתָה 12 וְהָ֘שֵׁ֤ב לִשְׁכֵנֵ֣ינוּ שִׁ֭בְעָתַיִם אֶל חֵיקָ֑ם חֶרְפָּ֘תָ֤ם אֲשֶׁ֖ר חֵרְפ֣וּךָ אֲדֹנָי 13 וַאֲנַ֤חְנוּ עַמְּךָ֨ וְצֹ֥אן מַרְעִיתֶךָ֮ נ֤וֹדֶ֥ה לְּךָ֗ לְע֫וֹלָ֥ם לְדֹר וָדֹ֑ר נְ֝סַפֵּ֗ר תְּהִלָּתֶךָ