Matched Mismatch Not in MapM
91 words: 77 matched, 12 mismatch, 2 missing
1 לְדָוִ֗ד מִ֫זְמ֥וֹר לְיַהְוֶה הָאָ֣רֶץ וּמְלוֹאָ֑הּ תֵּ֝בֵ֗ל וְיֹ֣שְׁבֵי בָהּ 2 כִּי ה֭וּא עַל יַמִּ֣ים יְסָדָ֑הּ וְעַל נְ֝הָר֗וֹת יְכוֹנְנֶהָ 3 מִי יַעֲלֶ֥ה בְהַר יַהְוֶה וּמִי יָ֝ק֗וּם בִּמְק֥וֹם קָדְשׁוֹ 4 נְקִ֥י כַפַּ֗יִם וּבַר לֵ֫בָ֥ב אֲשֶׁ֤ר לֹא נָשָׂ֣א לַשָּׁ֣וְא נַפְשׁוֹ וְלֹ֖א נִשְׁבַּ֣ע לְמִרְמָה 5 יִשָּׂ֣א בְ֭רָכָה מֵאֵ֣ת יַהְוֶה וּ֝צְדָקָ֗ה מֵאֱלֹהֵ֥י יִשְׁעוֹ 6 זֶ֭ה דּ֣וֹר דֹּרְשֵׁי יַהְוֶה מְבַקְשֵׁי פְנֵי אֱלֹהֵי יַעֲקֹב סֶלָה 7 שְׂא֤וּ שְׁעָרִ֨ים רָאשֵׁיכֶם֗ וְהִ֭נָּשְׂאוּ פִּתְחֵ֣י עוֹלָ֑ם וְ֝יָב֗וֹא מֶ֣לֶךְ הַכָּבוֹד 8 מִ֥י זֶה֮ מֶ֤לֶךְ הַכָּ֫ב֥וֹד יַהְוֶה עִזּ֣וּז וְגִבּ֑וֹר יַהְוֶה גִּבּ֥וֹר מִלְחָמָה 9 שְׂא֤וּ שְׁעָרִ֨ים רָאשֵׁיכֶם֗ וּ֭שְׂאוּ פִּתְחֵ֣י עוֹלָ֑ם וְ֝יָבֹ֗א מֶ֣לֶךְ הַכָּבוֹד 10 מִ֤י ה֣וּא זֶה֮ מֶ֤לֶךְ הַכָּ֫ב֥וֹד יַהְוֶה צְבָא֑וֹת ה֤וּא מֶ֖לֶךְ הַכָּב֣וֹד סֶלָה